नाशिक : नाशिक-पुणे महामार्गावर अपघातांचे सत्र सुरूच असून आज पुन्हा एकदा सिन्नरजवळील मोहदरी घाटात भीषण अपघात झाला आहे. या अपघातात पाच जणांचा जागीच मृत्यू झाला आहे, तर आठ जण गंभीर जखमी झाले आहेत. जखमी प्रवाशांना नाशिकमधील खासगी रुग्णालयात दाखल करण्यात आलं आहे. मृतांमध्ये तीन तरुणी आणि दोन तरुणांचा समावेश असल्याचे समजते.
सीईओ साहेब, आम्हाला शिक्षक मिळाले पाहिजेत, बीडमध्ये विद्यार्थ्यांचं जिल्हा परिषदेत आंदोलन
या अपघातात वाहनांचा चक्काचूर झाला आहे. अपघाताची माहिती मिळताच घटनास्थळी तातडीने पोलीस प्रशासनाने धाव घेतली असून मदतकार्य सुरू आहे.
दरम्यान, काल दुपारी देखील नाशिक-पुणे महामार्गावर शिंदे पळसे या गावाजवळ बसने धडक दिल्याने दोन जण जागीच ठार तर २५ जण जखमी झाल्याची घटना घडली होती. त्यातच आज पुन्हा सिन्नरजवळ मोहदरी घाटात भीषण अपघात झाला आहे.
