‘लव्ह जिहाद’चा कायदा करणार का? देवेंद्र फडणवीस थेट बोलले, याबाबत अद्याप आमचा निर्णय…
ज्या वक्तव्यावर आक्षेप घेण्यात आला त्याबाबत पुढे बोलताना चंद्रकांत पाटील म्हणाले की, ‘मी फक्त एवढंच बोललो की शाळा कोणी सुरू केल्या? तर या शाळा डॉ. बाबासाहेब आंबेडकर, महात्मा फुले आणि कर्मवीर भाऊराव पाटील यांनी सुरू केल्या आणि हे महापुरुष सरकारवर अवलंबून राहिले नाहीत. त्यांनी लोकांकडे पैसे मागितले. कर्मवीर भाऊराव पाटलांनी तर लोकांकडे जाऊन धान्य मागितलं. आताच्या काळात या सगळ्याला वर्गणी किंवा सीएसआर म्हणतात. मात्र तेव्हा वेगळी भाषा होती. त्यामुळे सीएसआरच्या माध्यमातून संस्थांना बळकटी द्यावी लागेल, एवढंच माझं म्हणणं होतं,’ असं पाटील यांनी म्हटलं आहे.
कार्यक्रमात बोलताना नेमकं काय म्हणाले होते चंद्रकांत पाटील?
औरंगाबादमधील पैठण येथील संतपीठ येथील कार्यक्रमात चंद्रकांत पाटील यांनी भाषण केलं. सीएसआरचं महत्व सांगताना पाटील म्हणाले की, ‘सरकारवर अवलंबून का राहताय? या देशात शाळा सुरू कुणी केल्या? कर्मवीर भाऊराव पाटील यांनी शाळा सुरू केल्या. डॉ. बाबासाहेब आंबेडकर यांनी शाळा सुरू केल्या. महात्मा जोतिराव फुले यांनी शाळा सुरू केल्या. या सगळ्यांनी शाळा सुरू करताना सरकारनं त्यांना अनुदान दिलं नाही. त्यांनी लोकांकडे भीक मागितली, शाळा चालू केली आणि आम्हाला पैसे द्या, असं सांगितलं. आता त्या काळी १० रुपये देणारे होते, सध्या तर १०-१० कोटी रुपये देणारे लोक आहेत ना?’ असं चंद्रकांत पाटील यांनी आपल्या भाषणात म्हटलं होतं.
