नवी दिल्ली : सोमवार, १२ डिसेंबर २०२२ रोजीही चारही मेट्रो शहरात पेट्रोल आणि डिझेलचे दर स्थिर राहिले आहेत. दिल्लीत पेट्रोल आणि डिझेल अनुक्रमे ९६.७२ रुपये आणि ८९.६२ रुपये प्रति लिटरने विकले जातंय तर मुंबईत पेट्रोलचा दर प्रतिलिटर १०६.३१ रुपये तर डिझेलचा दर ९४.२७ रुपये प्रतिलिटर आहे.

कच्च्या तेलाच्या किमती
दरम्यान, आंतरराष्ट्रीय बाजारात कच्च्या तेलाच्या किमती वर्षभरातील नीचांकी पातळीवर घसरल्या आहेत. सध्या क्रूडची किंमत प्रति बॅरल ७६ डॉलरच्या आसपास आहे. तर यापूर्वी मार्च २०२२ मध्ये क्रूड प्रति बॅरल १२४ डॉलरपर्यंत पोहोचले होते, महानजसह कच्च्या तेलाच्या किमतींनी या वर्षातील विक्रमी पलटी गाठली आहे. रशियाने युक्रेनवर केलेल्या हल्ल्यानंतर बाजारात अनिश्चिततेचे वातावरण निर्माण झाले, ज्यामुळे क्रूडच्या दरात वाढ दिसून आली. मात्र त्यानंतर क्रूडच्या दरात घसरण होत असताना देशभरात पेट्रोल आणि डिझेलच्या दरात कोणताही दिलासा मिळालेला नाही.

Tatkal Ticket Booking: नवीन वर्षात प्रवास करायचा आहे? या सोप्या स्टेप्स वापरून तत्काळ तिकीट बुक करा
मुंबईत पेट्रोल आणि डिझेलची किंमत अनुक्रमे १०६.३१ रुपये आणि ९४.२७ रुपये प्रति लीटर आहे. तर चेन्नईतील लोकांना पेट्रोल आणि डिझेलसाठी अनुक्रमे १०२.६३ रुपये आणि ९४.२४ रुपये प्रति लिटर मोजावे लागणार आहेत. तसेच राजधानी नवी दिल्लीत पेट्रोल आणि डिझेलचे सध्याचे दर अनुक्रमे ९६.७२ रुपये आणि ८९.६२ रुपये प्रति लिटर आहेत.

कच्च्या तेलाच्या किमती पडल्या, मात्र पेट्रोल-डिझेलचे दर जैसे थे; जाणून घ्या तुमच्या शहरातील इंधनाचे दर
क्रूड प्रति बॅरल ७६ डॉलरवर
गेल्या साडेसहा महिन्यांहून अधिक काळ देशांतर्गत बाजारात पेट्रोल-डिझेलचे दर जुन्याच पातळीवर असले तरी आगामी काळात त्यात आणखी घट अपेक्षित आहे. यापूर्वी १ डिसेंबर २०२१ रोजी क्रूडच्या किमती प्रति बॅरल ६८.८६ डॉलरवर होत्या. याशिवाय नवीन दरांबद्दल बोलायचे तर, सोमवारी सकाळी WTI क्रूड प्रति बॅरल ७१.५४ डॉलरवर व्यवहार करत होते, तर ब्रेंट क्रूड प्रति बॅरल ७६.४५ डॉलरवर पोहोचले. यापूर्वी २२ मे २०२२ रोजी केंद्र सरकारने तेलावरील उत्पादन शुल्क कमी केले होते, त्यानंतर तेलाच्या दरात कोणताही बदल झालेला नाही.

कामाची बातमी! घरगुती गॅस सिलेंडर ग्राहकांना मिळतो ५० लाखांचा विमा, जाणून घ्या डिटेल्स
नक्कीच करा हे काम
आजच्या दिवशी कामावर जाताना तुमच्या गाडी किंवा बाईकची टाकी फुल करण्यापूर्वी तेलाची शुद्धता नक्कीच तपासा. सध्या देशात बनावट पेट्रोल आणि डिझेल मिळण्याच्या तक्रारी वाढत जात आहेत. जास्त नफा कमावण्यासाठी नफेखोर पेट्रोल आणि डिझेलची भेसळ करून इंधन विक्री करत आहेत. जर तुम्ही पेट्रोल पंपावर इंधन भरायला गेलात आणि तुम्हाला तेलाच्या शुद्धतेबद्दल शंका आली तर तुम्ही तेल भरण्यापूर्वी पेट्रोल-डिझेलची शुद्धता तपासू शकता.

पेट्रोल आणि डिझेलचे दर दररोज सकाळी ६ वाजता अपडेट केले जातात. पेट्रोल आणि डिझेलच्या किमतीत एक्साईज ड्युटी, डीलर कमिशन, व्हॅट आणि इतर गोष्टी जोडल्यानंतर त्याची किंमत मूळ किंमतीपेक्षा जवळपास दुप्पट होते. परिणामी सर्वसामान्यांना इंधनसासाठी जास्त पैसे भरावे लागतात.

LEAVE A REPLY

Please enter your comment!
Please enter your name here