somnath shinde, माझा शेवट सह्याद्रीच्या कुशीतच होईल; ट्रेकर सोमनाथ शिंदेचे ते शब्द दुर्दैवाने खरे ठरले – pune trekker somnath shinde died while tailbaila trek always said my end will happen in sahyadri mountains

नेमकं काय घडलं?

सोमनाथ शिंदे हा रविवारी त्याच्या नऊ मित्रांसोबत तैल बैला ट्रेक संपवून खाली येत होता. त्यावेळी सोमनाथ ज्या दोराला पकडून खाली येत होता तो अचानक तुटला. त्यामुळे सोमनाथ थेट खालच्या दरीत कोसळला. या घटनेत त्याच्या डोक्याला गंभीर दुखापत झाल्याने त्याचा जागेवरच मृत्यू झाला. त्याच्या मित्रांनी त्याचा मृत्यू डोळ्यासमोर पाहिला. त्यामुळे ते पुरते घाबरून गेले होते. सोमनाथ हा पुण्यातील कात्रज परिसरातील रहिवासी होता. त्याला आधीपासून ट्रेकिंगची आवड होती. सोमनाथचा मृत्यू झाल्याने त्याच्या कुटुंबियांवर दुःखाचा डोंगर कोसळला आहे.

पैशासाठी नव्हे तर सह्याद्रीवरील प्रेमापोटी ट्रेकिंग

सोमनाथ शिंदे हा एक निर्मळ आणि निष्कपट व्यक्ती म्हणून त्याच्या मित्रांमध्ये प्रसिद्ध होता. अलीकडच्या काळात भरपूर पैसे घेऊन ट्रेक आयोजित करण्याचे फॅड आले आहे. मात्र, सोमनाथ शिंदे हा माफक पैसे घेऊन वेगवेगळ्या किल्ल्यांवर अनेकांना ट्रेकिंगला नेत असे. एखाद्याने ट्रेक आयोजित केला आणि त्याला सोमनाथची मदत लागली तर बऱ्याचदा तो कोणतेही मानधनही घेत नसे.