sharad baviskar, ‘फ्रॅक्चर्ड फ्रीडम’ला मिळालेला पुरस्कार रद्द; राज्य सरकारचा पुरस्कार बाविस्करांनी नाकारला – sharad baviskar rejects award after state government cancels award for fractured freedom book

कोबाड गांधी हे केंद्र सरकारनं बंदी घातलेल्या माओवादी कम्युनिस्ट पक्षाचे माजी सदस्य होते. जवळपास दशकभर त्यांनी तुरुंगवास भोगला. तुरुंगवासातून सुटका झाल्यानंतर त्यांनी तुरुंगावासातील आठवणी ‘फ्रॅक्चर्ड फ्रीडम’ पुस्तकातून शब्दबद्ध केल्या. या पुस्तकाचा मराठी अनुवाद अनघा लेले यांनी केला. महाराष्ट्र राज्य साहित्य संस्कृती मंडळानं ६ डिसेंबरला ३३ साहित्यिकांना यशवंतराव चव्हाण राज्य वाङ्मय पुरस्कार जाहीर केले. त्यात फ्रॅक्चर्ड फ्रीडम’च्या अनुवादक अनघा लेलेंना ‘तर्कतीर्थ लक्ष्मणशास्त्री जोशी पुरस्कार’ जाहीर झाला. याला काहीजणांनी सोशल मीडियावरून आक्षेप घेतला. त्यामुळे सरकारनं पुरस्कार रद्द केला. याचे पडसाद आता साहित्य वर्तुळात उमटले आहेत.

सरकारनं एकूण ३३ साहित्यिकांना पुरस्कार घोषित केले. पैकी अनघा लेले यांना जाहीर केलेला पुरस्कार रद्द केला. सरकारच्या या निर्णयाविरोधात प्रा. शरद बाविस्कर यांनी भूमिका घेतली आहे. सरकारनं ३३ साहित्यिकांना पुरस्कार जाहीर केले. त्या यादीत बाविस्कर यांचंदेखील नाव आहे. बाविस्करांच्या भुरा आत्मचरित्राला लक्ष्मीबाई टिळक पुरस्कार जाहीर झाला आहे. तो पुरस्कार त्यांनी नाकारला आहे. दिल्लीतील जवाहरलाल नेहरू विद्यापीठात फ्रेंच तत्त्वज्ञानाचे प्राध्यापक म्हणून बाविस्कर कार्यरत आहेत.