आयटी समभागात तेजी
बाजाराच्या सुरुवातीला आज आयटी शेअर्समध्ये तेजी पाहायला मिळत आहे. विप्रो १.२३ टक्के, टेक महिंद्रा ०.८८ टक्के, एचसीएल टेक ०.६९ आणि टीसीएस ०.६८ टक्के वाढीसह व्यवहार करत आहे. तर इन्फोसिस देखील ०.६४ टक्क्यांच्या वाढीसह व्यवहार करत आहे.
पुण्यातील ड्रोन कंपनीचा IPO आजपासून खुला; गुंतवणूकदारांमध्ये मोठा उत्साह, जाणून घ्या GMP आणि प्राइस बँड
प्री-ओपनिंग ट्रेडमध्ये बँक निफ्टी
प्री-ओपनिंग ट्रेडमध्ये बाजारात वेगाने सुरुवात केली. बीएसई सेन्सेक्स १५२ अंकांच्या वाढीसह ६२,६८५ अंकांवर तर निफ्टी ६३ अंकांनी वाढून १८,६७१ अंकांवर सेटल झाला. याशिवाय बँक निफ्टीने ४४ हजाराचा टप्पा गाठला.
४०० रुपयांचा शेअर तब्बल २१ रुपयात विकला जातोय; शेअर बाजारात खरेदीच्या लाटा
जागतिक बाजारात तेजी
अमेरिकेत नोव्हेंबर महिन्यात चलनवाढीचा दर घसरला असून यामुळे अमेरिकन शेअर बाजार हिरव्या चिन्हात बंद झाले. डाऊन जोन्स १०३ अंकांच्या (०.३० टक्के) वाढीसह बंद झाला तर नॅसडॅक ११३ अंकांच्या (१.०१ टक्के) वाढीसह बंद झाला. यामुळे आशियाई शेअर बाजारांमध्येही तेजी दिसून येत आहे. निक्केई ०.६७ टक्के, स्ट्रेट टाइम्स ०.३८ टक्के, कोस्पी ०.७९ टक्के, सेट कंपोझिट ०.१७ टक्के, जकार्ता ०.३४ टक्के, तैवान १.०७ टक्के. त्याच वेळी, शांघाय १.४६ टक्के हँगसेंग ०.०८ टक्क्यांच्या घसरणीसह व्यवहार करत आहे.
पैसे कमावण्याची सुवर्ण संधी, या बँकेचे शेअर्स गेल्या २ वर्षांच्या उच्चांकावर!
कोणत्या शेअर्सवर नजर
पेटीएमच्या बोर्डाने ८५० कोटी रुपयांच्या शेअर बायबॅकला मान्यता दिली आहे. त्यामुळे स्टॉकमध्ये चढ-उतार दिसून येतोय. तसेच येस बँकेत परदेशी गुंतवणूकदारांच्या सदस्याच्या नियुक्तीला मंजुरी दिल्यानंतर येस बँकेच्या स्टॉकवरही गुंतवणूकदारांचे लक्ष असेल. याशिवाय अल्ट्राटेक सिमेंट, अॅक्सिस बँक, टीव्हीएस मोटर्सचे शेअर्स चर्चेत असतील.
कच्च्या तेलात उसळी
दरम्यान, कच्च्या तेलाची किंमत आज प्रति बॅरल ८० डॉलरच्या पुढे गेली आहे. नोव्हेंबरमध्ये अमेरिकेतील चलनवाढीचा दर घसरल्यानंतर गुंतवणूकदार जोखमीच्या मालमत्तेत गुंतवणूक करत आहेत, त्यामुळे कच्च्या तेलाला वेग आला आहे.
