मस्कची संपत्ती घटली
फोर्ब्सच्या रिअल टाईम बिलियनेअर्स इंडेक्सनुसार, सर्वात श्रीमंत व्यक्ती म्हणून आपली ओळख दीर्घकाळ टिकवून ठेवणाऱ्या मस्कच्या संपत्तीत या वर्षी लक्षणीय घट झाली ज्यामुळे ते पहिल्या क्रमांकावरून दुसऱ्या क्रमांकावर घसरले. मस्कची नेटवर्थ १८१.३ अब्ज डॉलर इतकी राहिली आहे. मात्र, मस्क आणि अर्नॉल्ट यांच्यातील अंतर फार मोठे नाही. दोघांच्या मालमत्तेत फक्त ५.२ बिलियन डॉलरचे अंतर आहे.
युजर्सना Twitter Blue टिकसाठी मोजावे लागतील इतके पैसे
टेस्लाच्या शेअरची किंमत घसरली
मस्कसाठी वर्ष २०२२ आर्थिकदृष्ट्या वाईट ठरले. मस्कच्या मालमत्तेचे मूल्य कमालीचे घसरले आहे. अलीकडे, त्यांनी ट्विटर, ही जगातील आघाडीची मायक्रो-ब्लॉगिंग साइट ४४ अब्ज डॉलर्समध्ये विकत घेतली. यानंतर त्यांच्या कंपन्यांच्या शेअरच्या किमती घसरल्याने त्यांना आर्थिक फटका बसला. मस्कची प्रमुख कंपनी टेस्लाचा स्टॉक यावर्षी ५० टक्क्यांनी घसरले आहेत.
मस्कने देखील ट्विटरच्या अधिग्रहणातून बाहेर पडण्याचा प्रयत्न केला, पण न्यायालयीन वादामुळे त्यांना कंपनी खरेदी करणे भाग पडले. ट्विटर मिळवण्यासाठी त्यांनी टेस्लाचे १५ अब्ज डॉलर्सचे शेअर्स विकण्याचे बोलले जात आहे. ऑक्टोबरमध्ये जेव्हा मस्कने ट्विटरच्या अधिग्रहणाला अंतिम रूप दिले तेव्हा ब्लूमबर्ग वेल्थ इंडेक्सने त्यांची एकूण संपत्ती १० अब्ज डॉलरने कमी झाली. ट्विटरचे अधिग्रहण केल्यापासून मस्क त्यात व्यापक बदल करत असून टाळेबंदी आणि धोरणात्मक बदलासारखी पावलेही उचलण्यात आली आहेत, पण यासोबतच वादही निर्माण झाले आहेत.
…तरच टेस्लाला भारतात सूट आणि बेनिफिट्स मिळतील; नितीन गडकरींची एलन मस्क यांना थेट ऑफर
उल्लेखनीय म्हणजे, ५१ वर्षीय अमेरिकी अब्जाधीशाच्या एकूण निव्वळ संपत्तीमध्ये २०२० ते २०२२ या काळात प्रचंड वाढ झाली. अब्जाधीशांच्या संपत्ती निर्देशांकानुसार मस्कची २४.६ अब्ज डॉलरची नेटवर्थ २०२२ मध्ये ३४० बिलियन डॉलरवर पोहोचली आहे. तथापि, अर्थव्यवस्थेत सध्या सुरू असलेला उतार-चढाव आणि ट्विटरमधील मस्कच्या गोंधळामुळे त्यांच्या संपत्तीत सुमारे १७६ अब्ज डॉलरनी घसरली आणि त्यांना दररोज सुमारे २,५०० कोटी रुपयांचे नुकसान सहन करावे लागले. विशेष म्हणजे, मस्कची एकूण संपत्तीत स्टॉक आणि टेस्ला, स्पेसएक्स, बोरिंग कंपनी, ट्विटर, न्यूरालिंक आणि त्यांनी सह-स्थापलेल्या सहा कंपन्यांच्या मालकीची आहे.
Twitter मध्ये मोठे बदल, पीएम मोदींच्या अकाउंटपासून अन्य अकाउंटमध्ये हे झाले बदल
सर्वात मोठी इलेक्ट्रिक कार निर्माता कंपनी टेस्लाचे सीईओ एलन मस्क २०२१ मध्ये जगातील सर्वात श्रीमंत व्यक्ती बनले आहेत. तर ॲमेझॉनचे जेफ बेझोस यांना मागे टाकून त्यांनी पहिला क्रमांक मिळवला. अहवालानुसार, त्यावेळी मस्कची एकूण संपत्ती १८८ अब्ज डॉलर होती, तर आघाडीचे बेझोसची संपत्ती १८७ बिलियन डॉलरने घसरली होती. विशेष म्हणजे आता जेफ बेझोस ११३.८ अब्ज डॉलर्सच्या संपत्तीसह जगातील श्रीमंतांच्या यादीत चौथ्या क्रमांकावर घसरले असून भारतीय उद्योगपती गौतम अदानी यांनी तिसरे स्थान काबीज केले आहे.
गौतम अदानी-मुकेश अंबानी कितव्या स्थानी
दरम्यान, पहिल्या १० अब्जाधीशांच्या यादीत दोन्ही भारतीय उद्योगपतींनी आपला दबदबा कायम ठेवला आहेत. फोर्ब्सच्या आकडेवारीनुसार, आशियातील सर्वात श्रीमंत व्यक्ती गौतम अदानी १३४.६ अब्ज डॉलर्ससह जगातील सर्वात श्रीमंतांमध्ये तिसरे स्थान कायम राखले तर यादीतील दुसरे भारतीय उद्योगपती रिलायन्स इंडस्ट्रीजचे अध्यक्ष मुकेश अंबानी ९२.८ बिलियन डॉलरसह आठव्या स्थानावर आहेत.
