पैसे कमावण्याची सुवर्ण संधी, या बँकेचे शेअर्स गेल्या २ वर्षांच्या उच्चांकावर!बँक निफ्टीने दिवसाच्या व्यवहाराच्या सुरुवातीला ४४ हजाराची पातळी गाठली. तर निफ्टी बँकेने गेल्या एका महिन्यात केवळ ४.७२ टक्के परतावा दिला असून सार्वजनिक क्षेत्रातील बँक यूको बँकेने आपल्या गुंतवणूकदारांना जोरदार परतावा दिला आहे. अवघ्या एका महिन्यात एका बँकिंग स्टॉकने गुंतवणूकदारांचे पैसे दुप्पट केले. या काळात शेअर १४.८० रुपयांवरून ३४.५० रुपयांवर गेला. तर आज दुपारपर्यंत त्यात १७ टक्क्यांहून अधिक वाढ झाली आहे.
तज्ञांचा सल्ला
यूको बँकेचा अलीकडचा कल साप्ताहिक चार्टवर तेजीचा असून हा शेअर सध्या ५२ आठवड्यांच्या उच्चांकावर आहे. त्यामुळे तज्ञांनुसार जोपर्यंत तो २२ स्तरांच्या प्रमुख समर्थनाच्या वर टिकून राहतो, तोपर्यंत गुंतवणूकदारांनी स्टॉक ‘होल्ड’ केला पाहिजे. नजीकच्या काळात युको बँकेच्या शेअर्समध्ये ३६ आणि नंतर ४४ पातळीपर्यंत चढण्याची क्षमता आहे.
४०० रुपयांचा शेअर तब्बल २१ रुपयात विकला जातोय; शेअर बाजारात खरेदीच्या लाटा
तसेच यूको बँकेच्या शेअरच्या इतिहासाबद्दल बोलासायचे तर गेल्या पाच दिवसांत बँक शेअरने ४८ टक्क्यांहून अधिक उसळी घेतली आहे. आजच्या व्यवहाराच्या दिवशी शेअर ३०.६० रुपयांवर उघडला आणि ३४.५० रुपयांच्या ५२ आठवड्यांचा उच्चांक गाठला. सेंट्रल बँक ऑफ इंडिया, इंडियन ओव्हरसीज बँक, बँक ऑफ महाराष्ट्र, पंजाब आणि सिंध बँक, युनियन बँक, बँक ऑफ इंडिया आणि पंजाब नॅशनल बँक यांसारख्या सात इतर सार्वजनिक बँकांनी मंगळवारी एक वर्षाच्या उच्चांक गाठला आणि उप-निर्देशांक निफ्टी बँक ३.८१ टक्क्यांनी वाढला.
गुंतवणुकीची मोठी संधी! दोन दशकनंतर टाटा समूहाचा IPO बाजारात येणार, जाणून घ्या सविस्तर
६ महिन्यांत एक लाखाचे दुप्पट
गेल्या सहा महिन्यांत यूको बँकेने २०७ टक्क्यांहून अधिक परतावा दिला तर या कालावधीत बँकेचा स्टॉक ११.०५ रुपयांवरून ३२.५० रुपयांवर पोहोचला. म्हणजेच एखाद्या गुंतवणूकदाराने सहा महिन्यांपूर्वी त्यात एक लाख रुपये गुंतवले असते, तर त्याच्या एका लाखाचे २ लाख ७० हजार झाले असते. दरम्यान, स्टॉकचा ५२ आठवड्यांचा नीचांक १०.५५ रुपये आहे. तर युको बँकेने या वर्षी आतापर्यंत १५७ टक्के परतावा देत गेल्या पाच वर्षांत केवळ १५ टक्के परतावा दिला आहे.
स्टॉकच्या तेजीचे कारण काय?
सप्टेंबरच्या तिमाहीत बँकेचा निकाल खूप चांगला राहिला आहे. निव्वळ व्याज उत्पन्न १०.७६ टक्क्यांनी वाढून १७६९.६० कोटींवर पोहोचले तर मागील वर्षीच्या याच तिमाहीत ते १५९७.७२ कोटी होते. विद्देशेष म्हणजे गेल्या सहा महिन्यांत १८० टक्केपेक्षा जास्त परतावा देणाऱ्या या स्टॉकचे विश्लेषक कव्हरेज फारच कमी आहे.
