कोटक महिंद्राच्या ग्राहकांना पुन्हा फायदा होणार; बँकेकडून FD दरात दुसऱ्यांदा वाढस्टेट बँक ऑफ इंडियाने सर्व मार्जिनल कॉस्ट ऑफ फंड बेस्ड लेंडिंग रेट (एमसीएलआर) ०.२५ टक्क्यांनी वाढवले आहेत. म्हणजेच ग्राहकांना कर्जावर पूर्वीपेक्षा जास्त हप्ता भरावे लागेल (एसबीआय व्याजदर). बँकेने एमसीएलआरमध्ये केलेली वाढ आजपासून लागू होईल. ही माहिती बँकेच्या अधिकृत संकेतस्थळावर देण्यात आली आहे. रिझर्व्ह बँक ऑफ इंडियाने (आरबीआय) मागील आठवड्यात रेपो दरात वाढ केल्यानंतर स्टेट बँक ऑफ इंडियानेही व्याजदरात वाढ केली आहे.
नवीन वर्षापूर्वी SBI चा धमाका, ग्राहकांना दिली ही मोठी भेट, आता खातेदारांना मिळणार दमदार फायदा
आरबीआयच्या व्याजदर वाढीचा परिणाम
आरबीआयच्या पतधोरण समितीच्या डिसेंबर बैठकीत रेपो दरात ०.३५ टक्क्यांची वाढ केली. या वाढीसह आता रेपो दर ६.२५ टक्के झाला आहे. रेपो दरात ही सलग पाचवी वाढ होती. मे २०२२ मध्ये रेपो दरात ०.४० टक्क्यांची वाढ करण्यात आली होती. त्यानंतर जून, ऑगस्ट आणि सप्टेंबरमध्ये ०.५० टक्क्यांची वाढ करण्यात आली. रिझर्व्ह बँकेने मे २०२२ पासून दरात २.२५ टक्क्यांची वाढ केली आहे.
कर्जदारांना ‘जोर का झटका’; PNB सहित दोन खासगी बँकांचे कर्ज महागले, चेक करा नवे व्याजदर
नवीनतम एमसीएलआर
रेपो दरात वाढ झाल्यामुळे आरबीआयकडून बँकांना देण्यात येणाऱ्या कर्जावरील व्याजदर ६ टक्क्यांच्या पुढे गेला आहे. त्यामुळे बँका त्यांचा एमसीएलआर वाढवत आहेत.
बँकेचे ठेवी दरही वाढले
देशातील सर्वात मोठी सरकारी बँक स्टेट बँकेनेही अलीकडेच त्यांचे एफडी व्याजदर वाढवले असून नवीन दर १३ डिसेंबर २०२२ पासून लागू झाले आहेत. बँक आपल्या सामान्य नागरिकांना ७ ते ४५ दिवसांच्या ठेवीवर ३.०० टक्के व्याजदर देतेय तर, ४६ ते १७९ दिवसांच्या एफडीवर ४.५० टक्के, १८० ते २१० दिवसांच्या एफडीवर ५.२५ टक्के, २११ ते १ वर्षाच्या एफडीवर ५.७५ टक्के व्याजदर देत आहे. तसेच एसबीआय १ ते २ वर्षांच्या ठेवीवर ६.६० टक्के व्याजदर, २ ते ३ वर्षांच्या ठेवीवर ६.७५ टक्के, ३ ते ५ वर्षांच्या ठेवीवर ६.२५ टक्के आणि ५ ते १० वर्षांच्या ठेवीवर ६.२५ टक्के व्याजदर देत आहे.
