हुश्श… महागाई दराने गाठला २१ महिन्यातील नीचांक; भाज्या आणि खाद्यपदार्थ झाले स्वस्तभारतीय वायदा बाजार आणि आंतरराष्ट्रीय बाजारात आज, गुरुवार, १५ डिसेंबर रोजी सोने आणि चांदीचे दर घसरणीसह व्यवहार करत आहेत. मल्टी कमोडिटी एक्सचेंजवर (एमसीएक्स) आज सोन्याची किंमत सुरुवातीच्या व्यवहारात ०.५७ टक्क्यांनी घसरली. तर फ्युचर्स मार्केटमध्ये आज चांदी कालच्या बंद किमतीपेक्षा १.५० टक्क्यांनी घसरत आहे. बुधवारी एमसीएक्सवर सोन्याचा भाव ०.१२ टक्क्यांनी घसरला आणि चांदीचा दर ०.७३ टक्क्यांनी वाढला.
गुरुवारी, फ्युचर्स मार्केटमध्ये २४ कॅरेट शुद्ध सोन्याचा दर कालच्या बंद किमतीपेक्षा ३१० रुपयांनी घसरला आणि सकाळी ९:१० वाजेपर्यंत ५४,३६४ रुपये प्रति १० ग्रॅमवर व्यवहार करत होता. दरम्यान, आजचा सोन्याचा भाव ५४,४८१ रुपये आहे, तर काल सोन्याचा भाव ६५ रुपयांनी घसरून ५४,६७८ रुपयांवर बंद झाला. याशिवाय आज चांदी एमसीएक्सवर लाल चिन्हाने व्यवहार करत आहे. कालच्या बंद भावावरून आज चांदीचा दर १,०३७ रुपयांनी घसरून ६८,२६५ रुपये प्रति किलो आहे. दिवसाच्या सुरुवातीला चांदीचा दर ६८,२१० रुपयांवर उघडला, तर एकदा किंमत ६८,२८६ रुपयांवर गेली होती. गेल्या ट्रेडिंग सत्रात चांदीचा भाव ५०५ रुपयांनी वाढून ६९,२८० रुपयांवर बंद झाला.
Petrol Prices Today: पेट्रोल-डिझेलचे दर वाढले की, कमी झाले? तुमच्या शहरांतील किमती काय? जाणून घ्या
आंतरराष्ट्रीय बाजारात दर घटले
आज आंतरराष्ट्रीय बाजारात सोने आणि चांदी लाल चिन्हात व्यवहार करत आहेत. गुरुवारच्या बुधवारच्या बंद किमतीच्या तुलनेत आज सोन्याची स्पॉट किंमत ०.८० टक्क्यांनी घसरून १,७९५.०५ डॉलर प्रति औंस झाली. त्याचबरोबर आज आंतरराष्ट्रीय बाजारात चांदीच्या दरातही घसरण झाली. चांदीचा दर १.४० टक्क्यांनी घसरून २३.३७ डॉलर प्रति औंस इतका आहे. दुसरीकडे, गेल्या एका महिन्यात सोन्याच्या भावात १.६१ टक्क्यांनी वाढ ली तर, चांदीचा दरही ३० दिवसांत ९.५७ टक्क्यांनी वाढला आहे.
बँक खात्यात जमा झाले ६ कोटी; मालामाल झालेल्या रॅपरने केलेली चूक तुम्ही करू नका
सराफा बाजारात दरवाढ
बुधवारी दिल्ली सराफा बाजारात सोन्या-चांदीच्या दरात वाढ झाली. दिल्लीत सोन्याचा भाव ३१८ रुपयांनी वाढून ५४,९१३ रुपये प्रति १० ग्रॅम झाला आहे. मंगळवारी सोन्याच्या दरात घसरण झाली आणि ५४,५९५ रुपये प्रति १० ग्रॅमवर बंद झाला. त्याचवेळी बुधवारी चांदीचा भावही ६८२ रुपयांनी वाढून ६९,१७६ रुपयांवर पोहोचला. मंगळवारी चांदी घसरणीसह बंद झाली.
