करोनाच्या लशीसाठी अन्य लशींची उत्पादन निर्मिती तात्पुरते थांबविण्यात येणार असल्याचे त्यांनी स्पष्ट केले. फिक्की फ्लो पुणे विभागातर्फे आयोजित राष्ट्रीय वेब संवादात डॉ. पूनावाला यांनी याबाबत माहिती दिली. फिक्की फ्लो पुणे विभागाच्या माजी अध्यक्ष सबीना संघवी यांनी पूनावाला यांच्याशी संवाद साधला. फिक्की फ्लो पुणे विभागाच्या अध्यक्ष डॉ. अनिता सणस आणि देशभरातील सदस्य या वेबसंवादात सहभागी झाले होते.
वाचाः
डॉ. पूनावाला म्हणाले, ‘करोना विषाणू प्रतिबंधक लशीची गरज भारतीय नागरिकांना नाही तर आफ्रिकेसारख्या अनेक गरीब देशांमधल्या नागरिकांना आहे. त्यामुळे तळागाळातील प्रत्येक नागरिकाला परवडेल अशी लस उपलब्ध करुन देण्याचे उद्दिष्ट आमच्यासमोर आहे. करोना लशीच्या आवश्यक चाचण्या सुरु करण्यासाठी अर्ज करण्याची प्रक्रिया सुरु आहे. योग्य परवानग्या मिळाल्यानंतर एक अब्ज डोस तयार करण्याचा प्रयत्न आहे. किंचित डोकेदुखी आणि सौम्य स्वरुपाचा ताप ही लक्षणे वगळता या लसीचे कोणतेही दुष्परिणाम नाहीत. सर्व चाचण्या यशस्वी झाल्या तर या वर्षाच्या अखेरीस ही लस नागरिकांसाठी उपलब्ध होईल. ही लस केवळ भारतीयांसाठीच नव्हे तर मानवजातीसाठी उपयुक्त ठरावी अशी आमची अपेक्षा आहे.’
वाचाः
दरम्यान, राज्यात करोनाबाधितांचा आकडा फुगत चालला असल्याचं चित्र आहे. आज तब्बल ८ हजार ३६९ नवीन रुग्णांचं निदान झालं आहे. तर, आज २४६ करोना रुग्णांचा उपचारादरम्यान मृत्यू झाला आहे. त्यामुळं राज्याचा मृत्यूदर ३.७५ टक्के इतका झाला आहे. राज्यात सध्या ३ लाख २७ हजार ०३१ करोनाबाधित रुग्ण आहेत. तर, आत्तापर्यंत १२ हजार २७६ जणांचा करोनामुळं मृत्यू झाला आहे. पुण्यातही २ हजार ४०३ जणांना दिवसभरात लागण झाली असून गेल्या चोवीस तासात ५५ जणांचा मृत्यू झाल्याची नोंद करण्यात आली.
वाचाः
Marathi News: मराठी बातम्या, Latest News in Marathi, Breaking Marathi News, Marathi News Paper | Maharashtra Times
