शिक्षणाचे धडे देणाऱ्या गुरुजींनी विद्यार्थ्यांचा मायने शिवला खिसा
आजच्या धकाधकीच्या जीवनामध्ये प्रत्येक जण नीटनेटकेपणा जणू काही विसरत चालला आहे. विद्यार्थी जीवनात तर शिक्षणाच्या ओझ्यासोबत आता शालेय जीवनात अनेक गोष्टी कालबाह्य होत चालल्या आहेत. यालाच कुठेतरी पुन्हा एकदा विद्यार्थ्यांनी जपावे यासाठी बुलढाणा जिल्ह्यातील चिखली तालुक्यातील ईसोली येथे श्री शिवाजी विद्यालयाचे शिक्षक हिरा गवई यांनी एक अनोखा छंद जोपासला आहे.
आपल्या शाळेतले विद्यार्थ्यांचे चुकूनही शालेय गणवेशाचे बटन अथवा काही भाग फाटलेला गणवेश असेल तर लगेच ते आपल्या कडील साहित्याद्वारे त्याला नीटनेटके स्वतः करून देतात.
इतकेच नव्हे विद्यार्थ्यांची नखं वाढलेली असतील तर त्यांच्या जवळ असलेल्या नेलकटरद्वारे काढण्याकरता त्यांना शिकवण देतात. हा त्यांनी त्यांच्या दैनंदिन शिकवण्याच्या जबाबदारी सोबत हा छंद मागील २३ वर्षापासून जोपासला आहे. हिरा गवई यांचा असाच एक व्हिडिओ आता व्हायरल होतोना पाहायला मिळतो. महेश खरात असं त्या मुलाचं नाव आहे.
एकीकडे मुलांना आज प्रत्येक गोष्टीच्या जबाबदारीची जाणीव करून देणे गरजेचे आहे .आज अनेक ठिकाणी नीटनेटकेपणा सुसंस्कृतपणा लोप पावत चालला आहे. विद्यार्थी जीवनाच्या प्रत्येक पावलावर एक जबाबदार आणि मार्गदर्शक शिक्षक म्हणून हिरा गवई त्यांच्यामध्ये सेवा परमो धर्म हे तत्त्व रुजवण्याचं काम करताना दिसून येतं.
श्री शिवाजी विद्यालय इसोली तालुका चिखली जिल्हा बुलढाणा ही शाळा सन १९६९ मध्ये स्थापन झाली. ग्रामीण भागात ही माध्यमिक शाळा आहे. तिथे पाचवी ते दहावी असे विद्यार्थी शिकत आहेत. जवळपास ४०० ते ४५० विद्यार्थी शिकत आहे.
