पत्नी सुधा मूर्तींकडून कर्ज घेतले
इन्फोसिसचे संस्थापक नारायण मूर्ती यांनी पत्नी सुधा मूर्ती यांच्याकडून १० हजारांचे कर्ज घेऊन ही कंपनी स्थापन केली. आज या कंपनीचा वार्षिक महसूल १७ अब्ज डॉलर (सुमारे १.३५ लाख कोटी रुपये) आहे. कंपनीचे मार्केट कॅप ७७ अब्ज डॉलर असून एकेकाळी ती १०० अब्ज डॉलर्सच्या पुढे गेली होती. आयटी कंपनी असूनही नारायण मूर्ती सुरुवातीची काही वर्षे कॉम्प्युटरशिवाय काम करायचे. कंपनीला दूरध्वनी कनेक्शन मिळण्यास एक वर्ष लागले. संगणक आयात करण्याचा परवाना मिळण्यास ३ वर्षे लागली.
भारतासाठी हे अतिशय लज्जास्पद; ऋषी सुनक यांचे सासरे नारायणमू्र्ती यांनी असे का म्हटले?
कंपनीची स्थापना सात अभियंत्यांनी केली होती.
इन्फोसिसची स्थापना १९८१ मध्ये सात अभियंत्यांनी केली होती. नारायण मूर्ती यांच्या व्यतिरिक्त, नंदन निलेकणी, एस गोपालकृष्णन, एसडी शिबुलाल, के दिनेश, एनएस राघवन आणि अशोक अरोरा हे त्याचे संस्थापक सदस्य होते. दोन वर्षांनंतर १९८३ मध्ये, कंपनीने आपले कॉर्पोरेट कार्यालय बेंगळुरू येथे हलवले.
सुधा मूर्ती कोकणातील शाळेत, बाईंनी कुंकू लावलं, सुधा ताईंकडून चिमुरडीच्या नऊवारीचं कौतुक
कंपनीने १९९३ मध्ये आयपीओ आणला
फेब्रुवारी १९९३ मध्ये कंपनीने आयपीओ आणण्याचा निर्णय घेतला. त्याची सुरुवातीची किंमत ९५ रुपये ठेवण्यात आली होती. हा आयपीओ ५२ टक्के प्रीमियमवर सूचीबद्ध झाला. त्यानंतर वर्ष १९९९ मध्ये कंपनीचा महसूल १०० दशलक्ष डॉलर वर पोहोचला आणि कंपनीने अमेरिकी मार्केटमध्ये सूचीबद्ध करण्याचा निर्णय घेतला. नॅसडॅकवर सूचीबद्ध होणारी इन्फोसिस ही पहिली आयटी कंपनी ठरली. २००६ मध्ये इन्फोसिसचा नॅसडॅक १०० मध्ये समावेश झाला.
Sudha Murthy: इंजिनीअर, लेखिका ते इन्फोसिसच्या सर्वेसर्वा; सुधा मुर्ती यांच्या प्रेरणादायी करिअरविषयी जाणून घ्या
२३ वर्षांनंतर १ अब्ज डॉलर महसूल
कंपनीला १ बिलियनचा महसूल मिळवण्यासाठी २३ वर्षे लागली. हे यश २००४ मध्ये मिळाले. २०१० मध्ये कंपनीचा वार्षिक महसूल प्रथमच ५ अब्ज डॉलरच्या पुढे गेला. २०१२ मध्ये फोर्ब्सने इन्फोसिसला जगातील सर्वात नाविन्यपूर्ण कंपनी म्हणून नाव दिले.
नारायण मूर्तींचे जावई
विशाल सिक्का यांना कंपनीचे पहिले गैर-संस्थापक सीईओ बनवण्यात आले. २०१४ मध्ये त्यांची कंपनीच्या सीईओपदी नियुक्ती झाली. त्यांनी संस्थापक सदस्य एसडी शिबुलाल यांची जागा घेतली होती. ऑगस्ट २०१७ मध्ये सिक्का यांनी इन्फोसिसच्या सीईओ पदाचा राजीनामा दिला. सलील पारेख सध्या इन्फोसिसचे सीईओ आहेत. इन्फोसिसचे संस्थापक नारायण मूर्ती यांची मुलगी अक्षता मूर्ती हिचे लग्न ऋषी सुनक यांच्याशी झाले आहे. सुनक यांची नुकतंच इंग्लंडच्या पंतप्रधानपदी निवड झाली आहे.
