तरच बँक उघडणार लॉकर; जाणून घ्या हे नियमतुमच्या मौल्यवान वस्तू बँकेत ठेवण्यासाठी तुम्ही लॉकर भाड्याने घेतले असेल किंवा भाड्याने घेण्याची योजना आखली असेल, तर तुम्हाला रिझर्व्ह बँकेच्या (आरबीआय) लॉकर नियमांची माहिती असणे आवश्यक आहे. नवीन लॉकर नियम १ जानेवारी २०२२ पासून लागू झाले. त्यामुळे लॉकर धारकांना नवीन लॉकर करारासाठी पात्रता दर्शवावी लागेल आणि १ जानेवारी २०२३ पूर्वी नूतनीकरणासाठी करार करून घ्यावे लागेल.
जानेवारीपासून होणार लागू; लॉकर सुविधेबाबत रिझर्व्ह बँंकेकडून नियमात बदल
लॉकर कराराचे नूतनीकरण
रिझर्व्ह बँकेच्या सुधारित सूचना अधिसूचनेनुसार, बँकांनी त्यांच्या लॉकर करारामध्ये कोणत्याही अयोग्य अटी किंवा शर्ती नसल्याची खात्री करावी. तसेच बँकेच्या हिताचे रक्षण करण्यासाठी कराराच्या अटी आवश्यकतेपेक्षा जास्त कठीण नसतील. बँका १ जानेवारी २०२३ पर्यंत विद्यमान लॉकर ग्राहकांसोबत त्यांच्या लॉकर कराराचे नूतनीकरण करतील.
दागिने आणि मौल्यवान वस्तू सुरक्षित ठेवायच्या आहेत? SBI, PNB सह प्रमुख बँकांचे शुल्क जाणून घ्या
लॉकर करार म्हणजे काय?
पीएनबी लॉकर करार धोरणानुसार, ग्राहकाला लॉकरचे वाटप करताना बँक त्या ग्राहकाशी करार करते. या कराराअंतर्गत लॉकरची सुविधा देण्यात येते. दोन्ही पक्षांनी कागदावर सही केलेल्या लॉकर कराराची प्रत लॉकर भाड्याने घेणाऱ्याला त्याचे अधिकार आणि जबाबदाऱ्या जाणून घेण्यासाठी दिली जाते. तर, कराराची मूळ प्रत बँकेच्या ज्या शाखेत ग्राहकाला लॉकरची सुविधा दिली जाते त्या शाखेकडेच राहते.
लॉकर शुल्क सुधारित झाले
भारतीय स्टेट बँकेवर, बँक लॉकर फी क्षेत्रफळ आणि लॉकरच्या आकारानुसार ५०० ते ३,००० रुपयांपर्यंत असते. महानगर क्षेत्रात लहान, मध्यम, मोठ्या आणि अतिरिक्त मोठ्या आकाराच्या लॉकरसाठी बँक २,००० रुपये, ४००० रुपये, ८००० रुपये आणि १२,००० रुपये आकारते. तर निमशहरी आणि ग्रामीण भागात बँक लहान, मध्यम, मोठ्या आणि अतिरिक्त मोठ्या आकाराच्या लॉकरसाठी रु. १५००, रु. ३०००, रु. ६००० आणि रु. ९००० आकारते.
