वाचा- अर्जेंटिना वर्ल्डकप जिंकणार, मेस्सी महान होणार हे ७ वर्षापूर्वी ठरलं होतं; २०१५ सालचं ट्विट…
कोल्हापूरमध्ये फुटबॉल रुचला तरी कसा, ही क्रेझ आली तरी कशी?
कोल्हापूरातील फुटबॉलची सुरूवात ही अलीकडची नव्हे तर त्यासाठी बरीच वर्ष मागे जावे लागते. मागे म्हणजे भारताला स्वतंत्र्य मिळण्याच्याही आधी म्हणजे १९२०-३० साली याची सुरूवात झाली. दुसऱ्या महायुद्धाच्या काळात जेव्हा जर्मनीने पोलंडवर हल्ला केला तेव्हा तेथील नागरिक जगभर पसरले. अशा निर्वासित लोकांपैकी काही जणांची तुकडी कोल्हापूरात येऊन राहू लागली.
पोलंडमधून आलेल्या या लोकांकडून कोल्हापूरकरांनी फुटबॉल कसा खेळायचा हे शिकले. त्याच बरोबर त्यांच्यामुळे बुट घालण्याची भिती हळूहळू कमी झाली. तेव्हापासून कोल्हापूरातील संघ पोलंडच्या संघांविरुद्ध सामने खेळू लागले. याची पुढची पायरी म्हणजे १९३६ साली जेव्हा इंग्रजांची एक तुकडी (१० आर.टी.सी) जेव्हा पुण्याहून बेंगळुरूकडे जात होते तेव्हा ही २-३ दिवसांसाठी कोल्हापूरात मुक्कामाल होती. शहरातील तारबाई पार्कच्या बैलगोठा मैदानात थांबलेल्या या तुकडीचा एक फुटबॉलचा संघ देखील होता.
वाचा- तेव्हाच ठरलं की फ्रान्सचा पराभव होणार; उगाच नव्हता मेस्सी निश्चिंत, फिफा फायनलमधील…
ही बातमी जेव्हा कोल्हापुरात फुटबॉलचा सराव करणाऱ्या प्रॅक्टिस क्लब संघातील खेळाडूंना कळाली तेव्हा त्यांनी ब्रिटिश तुकडीच्या अधिकाऱ्यांना आपल्यासोबत एक फुटबॉल मॅच खेळण्याची विनंती केली. कोल्हापूरच्या संघाने दिलेले हे चॅलेंज त्यांनी मान्य केले आणि १९३६ साली इंग्लंड विरुद्ध कोल्हापूर अशी फुटबॉल मॅच झाली. आता इंग्लंडचा संघ म्हटल्यावर तुम्हाला वाटेल की कोल्हापूरच्या सराव करणाऱ्या संघाचा पराभव झाला असेल. पण थांबा तसे नाही झाले. ही लढत १-१ अशी बरोबरीत सुटली होती. ही लढत कोल्हापूरच्या प्रसिद्ध खासबाग मैदानात झाली. त्यासाठी कोल्हापूरकरांनी मोठी गर्दी केली होती. इंग्लंडच्या सैनिकांचा समावेश असलेल्या या सामन्यात कोल्हापूरच्या संघाने कडवी टक्कर दिली.
कोल्हापूरमध्ये आज दिसणारे हे फुटबॉल प्रेम हल्ली रुजले नाही तर त्याला मोठा असा इतिहास आहे. शहरातील पेठा पेठामध्ये असलेल्या संघात होणाऱ्या लढतींसाठी हाऊस फुल्ल अशी गर्दी होते त्याचे कारण हे इतिहासात दडले आहे. एखादी गोष्ट कोल्हापुरात होत असेल आणि ती हटके पद्धतीने होणार नाही असे तरी शक्यच नाही. जगात भारी कोल्हापुरी या प्रमाणे येथील फुटबॉल प्रेम देखील भारीच आहे.
वाचा-जाळ अन् धूर…; मेस्सीप्रेमी कोल्हापूरकरांचा मध्यरात्री रस्त्यावर तुफान जल्लोष
कोल्हापूरच्या फुटबॉल इतिहासाची माहिती देणारी The Soccer City ही documentary फिल्म सचिन सुर्यवंशी यांनी काही महिन्यांपूर्वी प्रदर्शित केली होती. यात कोल्हापूरमध्ये फुटबॉल संस्कृती कशी रुजली, वाढली हे या माहितीपटातून सविस्तर दाखवण्यात आले आहे.
