समभागांनी दिला मल्टीबॅगर परतावा
गौतम अदानी जगातील तिसऱ्या क्रमांकाचे श्रीमंत बनले ज्याचे श्रेय स्टॉक एक्स्चेंजवर सूचीबद्ध असलेल्या अदानी समूहाच्या शेअर्सला जाते. बाजारात सूचीबद्ध ७ समभागांपैकी ४ समभागांनी गुंतवणूकदारांना मल्टीबॅगर परतावा दिला आहे.
जबरदस्त! २५ पैशांच्या शेअरची कमाल, गुंतवणूकदार मालामाल; ३५०० रुपयाचे झाले १ कोटी
अदानी ग्रुपची प्रमुख कंपनी अदानी एंटरप्रायझेस बद्दल बोलायचे तर एक वर्षापूर्वी शेअर १,६३० रुपयांवर ट्रेड करत होता, जो आता ४,०३६ रुपयांवर ट्रेड करत आहे. म्हणजेच या समभागाने एका वर्षात १४८ टक्के परतावा दिला आहे. अदानी टोटल गॅसचा शेअर एक वर्षापूर्वी १,७६८ रुपयांवर होता, जो एका वर्षात १०४ टक्के वाढून ३,६०७ रुपयांवर व्यवहार करत आहे. तसलेच अदानी पॉवरचा शेअर एक वर्षापूर्वी ९८ रुपयांवर होता, तर आता त्याची किंमत ३०३ रुपये प्रति शेअर आहे. म्हणजे अदानी पॉवरच्या शेअरने आपल्या गुंतवणूकदारांना एका वर्षात २१० टक्के परतावा दिला. याशिवाय वर्ष २०२२ मध्ये अदानी समूहाची FMCG कंपनी, अदानी विल्मरचा आयपीओ २३० रुपये प्रति शेअर दराने बाजारात आला आणि या स्टॉकने लिस्टिंगपासून गुंतवणूकदारांना १७४% परतावा दिला आहे.
सर्व श्रीमंतांच्या संपत्तीत घट होत असताना एकमेव व्यक्तीची संपत्ती वाढत होती; कोण आहे, जाणून घ्या…
कोणते शेअर्स वधारले
अदानी ग्रीन एनर्जीचा शेअर एक वर्षापूर्वी १,४१० रुपये होता, जो आता २०३६ रुपयांवर व्यवहार करत असून एका वर्षात या समभागाने गुंतवणूकदारांना ४४ टक्के परतावा दिला आहे. तसेच अदानी ट्रान्समिशनचा शेअर एक वर्षापूर्वी १६८८ रुपयांवर होता, जो आता ५७ टक्के वाढून २,६५७ रुपयांवर पोहोचला आहे. अदानी पोर्ट्सचा शेअर एक वर्षापूर्वी ७१७ रुपयांवर होता, जो आता ८९० रुपयांवर पोहोचला. म्हणजेच एका वर्षात स्टॉक २४टक्क्यांनी वाढला, जो वर्षापूर्वी ६५१ रुपयांच्या जवळपास होता.
भारतीय कंपनीच्या शेअरची जगभरात चर्चा; ३१५ रुपयाच्या शेअरचा दुपटीहून अधिक परतावा, गुंतवणूकदार मालामाल
मार्केट कॅप १९ लाख कोटींपेक्षा जास्त
एका वर्षापूर्वी अदानी समूहाचे मार्केट कॅप ९.६ लाख कोटी रुपये होते, जी आता १९ लाख कोटी रुपयांपर्यंत वाढली आहे. हुरुन इंडिया रिच लिस्ट २०२२ नुसार गौतम अदानी यांच्या संपत्तीत अदानी समूहाच्या कंपन्यांच्या शेअर्सच्या वाढीमुळे ११६ टक्क्यांनी वाढ झाली आहे. हुरुन इंडियाचे एमडी आणि मुख्य संशोधक अनस रहमान जुनैद म्हणाले की, २०२२ हे वर्ष एका भारतीयाने संपत्ती वाढवण्याच्या दृष्टीने अदानी समूहाच्या या लक्षवेधी वाढीसाठी लक्षात ठेवले जाईल. गौतम अदानींच्या अदानी समूहाने नुकतेच अंबुजा सिमेंट आणि एसीसी खरेदी करून सिमेंट क्षेत्रात पाय रोवले आहेत आणि देशातील दुसरा सर्वात मोठा उत्पादक समूह बनला आहे. आता अदानी समूह NDTV मधील हिस्सा विकत घेऊन मीडिया क्षेत्रात पाय रोवणार आहे.
