wife beaten up by husband, पतीने पत्नीला चालत्या रिक्षातून दिले ढकलून, पुढे केले ते आणखी धक्कादाक; कारण वाचून येईल सतांप – the husband pushed his wife out of the rickshaw for for refusing to give money for drink

फडणवीसांना बालेकिल्ल्यातच धक्का; दत्तक घेतलेल्या गावात काँग्रेस-राकाँ आघाडीची दुसऱ्यांदा सत्ता
जखमी झालेल्या आपल्या पत्नीला या कृष्णानंदने रुग्णालयात न घेऊन जाता घरी आणले आणि लोखंडी सळईच्या सहाय्याने बेदम मारहाण केली. हा संपूर्ण प्रकार १७ डिसेंबर रोजी घडला. यात पत्नी जखमी झाल्यानंतर तिला सासरच्या लोकांनी कळवा येथे छत्रपती शिवाजी महाराज शासकीय रुग्णालयात बसमधून पडून जखमी झाल्याचा बहाणा सांगत उपचारासाठी भरती केले. दुसऱ्या दिवशी कृष्णानंद याने आपल्या पत्नीला पुन्हा रुग्णालयातून घरी आणले आणि पुन्हा तिला लोखंडी सळईच्या सहाय्याने बेदम मारहाण केली. पत्नीला वेदना असहाय्य झाल्याने तिने शौचालयाचा बहाणा करून जखमी अवस्थेत पळ काढला आणि आपल्या बहिणीला भेटून आपबिती संपूर्ण घटना सांगितली आणि त्यानंतर हा संपूर्ण प्रकार उघडकीस आला.

चंद्रकांत पाटील यांना मावळ तालुक्यात धक्का; प्रचार केलेल्या ग्रामपंचायतीवर राष्ट्रवादीचा सरपंच
बहिणीला हा संपूर्ण प्रकार कळल्यानंतर बहिणीने पीडितेला ठाण्यातील एका खाजगी रुग्णालयात उपचारासाठी भरती केले आहे. तिच्यावर आयसीयूमध्ये उपचार सुरू आहेत. ८ वर्षांपूर्वी पीडित महिलेचे रिक्षाचालक कृष्णानंद सिंग याच्यासोबत लग्न झाले होते. त्यांना एक लहान मुलगा देखील आहे. मात्र कृष्णानंद हा सुरुवातीपासूनच नशेच्या आहारी गेला आहे. लग्न झाल्यापासून म्हणजेच गेल्या ८ वर्षांपासून नशेसाठी आपल्या पीडितेला तिचा पती अशाच प्रकारे मारहाण करून मानसिक आणि शारीरिक छळ करत असल्याचे पीडितेच्या बहिणीने सांगितले आहे. तसेच आता देखील तो रुग्णालयात येऊन या महिलेला मारहाण करणार असल्याची धमकी देत असल्याचे देखील पीडितेच्या महिलेने सांगितले.

चार दिवस सासूचे…; सुनेकडून सासू पराभूत, माजी मंत्री जयकुमार रावल यांच्या पॅनलला धक्का
सध्या या प्रकरणी ठाण्यातील वागळे पोलीस ठाण्यात पीडित महिलेचा जबाब नोंद करण्यात आला. पोलीस पिडीत महिला आणि तिच्या नातेवाईकांचा जबाब नोंदवून घेत गुन्हा दाखल करण्यात आला.