अलीकडेच पिचाई यांना नुकतेच अमेरिकेत भारतातील प्रतिष्ठेच्या पद्मभूषण पुरस्काराने सन्मानित करण्यात आले. हा पुरस्कार त्यांना भारत सरकारने वर्ष २०२२ साठी व्यापार आणि उद्योग श्रेणीसाठी दिला आहे. पिचाई यांना अमेरिकेतील भारताचे राजदूत तरनजीत सिंग संधू यांनी हा सन्मान दिला. या खास प्रसंगी सुंदर पिचाई भावूक दिसले.
‘मी जिथे, भारत तिथे माझ्यासोबत’
या खास प्रसंगी सुंदर पिचाई म्हणाले की, “भारत हा माझा असा भाग आहे, जो माझ्यासोबत सर्वत्र जातो. मी नशीबवान आहे कारण माझा जन्म अशा कुटुंबात झाला जिथे शिकणे आणि माहिती करून घेण्याच्या इच्छेला महत्त्व आहे.” सुंदर पिचाई यांनीही या खास प्रसंगी त्यांच्या संघर्षाचे स्मरण केले. आज ते ज्या स्थानी पोहोचले आहेत तिथे पोहोचण्यासाठी सर्व अडचणींवर मात केल्याचे त्यांनी सांगितले. त्याने सांगितले की “जेव्हा त्यांनी अमेरिकेत अभ्यासासाठी येण्याचा निर्णय घेतला तेव्हा ते सोपे नव्हते. त्यावेळी वडिलांचा एक वर्षाचा पगार देऊन मला तिकीट काढावे लागले.”
फक्त २०व्या वर्षी झाले हजार कोटींचे मालक; एका वर्षापूर्वी प्रतिष्ठित विद्यापीठ सोडून सुरू केली कंपनी
चेन्नई येथे झाला जन्म
सुंदर पिचाई यांनी २०१९ मध्ये गूगल आणि अल्फाबेट कंपनीचे सीईओ पद सांभाळले. अल्फाबेट ही गुगलची मूळ कंपनी आहे. भारतीय वंशाच्या पिचाई यांचा जन्म १२ जुलै १९७२ रोजी चेन्नई येथे झाला. तर त्यांनी सुरुवातीचे शिक्षण भारतातच केले. आयआयटी खरगपूरमधून अभियांत्रिकी केल्यानंतर त्यांनी व्हार्टन बिझनेस स्कूलमधून एमबीए शिक्षण पूर्ण केले. तर पुढील शिक्षणासाठी ते अमेरिकेतील स्टॅनफोर्ड विद्यापीठात गेले. तेथे त्यांनी मेटलर्जिकल इंजिनीअरिंगचे शिक्षण घेतले. अमेरिकेत राहताना त्यांना खूप संघर्ष करावा लागला. तिथला खर्च भागवणं खूप अवघड होतं.
पत्नीकडून कर्ज घेत सुरु केली कंपनी, आज हजार कोटींचं साम्राज्य; मेहनत आणि जिद्दीची प्रेरणादायी कहाणी
प्रथम अमेरिकेत संगणक पहिला
एका मुलाखतीत सुंदर पिचाई म्हणाले होते की “आज ते जगातील सर्वात मोठ्या टेक कंपनीचे प्रमुख असले तरी अजूनही त्यांचे पाय जमिनीवर आहेत.” त्यांचे जुने दिवस, संघर्ष आणि बालपण ते कधीच विसरले नाही. त्यामुळे त्यांना पुढे जाण्याची ऊर्जा मिळते. त्याने पुढे सांगितले की “जेव्हा ते अमेरिकेत आले होते तेव्हा ISD कॉलचे शुल्क प्रति मिनिट २ डॉलर होते. खर्च जास्त असल्याने त्यांना घरच्यांशी जास्त वेळ बोलता येत नव्हते. आयुष्यात पहिल्यांदा पिचाई यांनी फक्त अमेरिकेत संगणक पाहिला.
आज पिचाई हे जगातील सर्वात महागडे सीईओ आहे. सुंदर पिचाई यांची एकूण संपत्ती अंदाजे १३१० दशलक्ष डॉलर म्हणजे सुमारे १०,८१० कोटी रुपये आहे. सुंदर पिचाई यांची निव्वळ संपत्ती दरवर्षी वाढते. पिचाई यांचा वार्षिक पगार २४२ दशलक्ष डॉलर्स म्हणजेच १,८८० कोटी रुपये आहे. त्याच वेळी, त्यांना दरमहा सुमारे २० दशलक्ष डॉलर पगार मिळतो, जो जगातील सर्वात मोठ्या पगारांपैकी एक आहे.
