temple priest found dead, मुस्लिम धर्म सोडून हिंदू पुजारी झाला अन् भयंकर प्रकार घडला; नदीकिनारी दोन गोण्या, गावात खळबळ – temple priest found dead in dholpur rajasthan body divided into several pieces and thrown into river

मारेकऱ्यांनी पुजाऱ्याचे दोन्ही पाय, दोन्ही हात, शरीर आणि धड वेगवेगळं केलं. पार्वती नदीच्या किनाऱ्यावर दोन गोण्यांमध्ये मृतदेहाचे तुकडे आढळून आले. बुधवारी सकाळी ग्रामस्थांनी प्लास्टिकच्या गोण्या पाहिल्या. त्यावर रक्ताचे डाग होते. गोण्या उघडताच ग्रामस्थांना जबर धक्का बसला. संपूर्ण गावात एकच खळबळ उडाली.
पतंजलीची ऑनलाईन बैठक; देश-विदेशातील अनेक जण हजर; पुण्यातून पॉर्न व्हिडीओ सुरू झाला अन्…
घटनेची माहिती कंचनपूर पोलिसांना देण्यात आली. त्यांनी घटनास्थळ गाठून प्लास्टिकच्या गोणीत असलेले मृतदेहाचे तुकडे ताब्यात घेतले. ६० वर्षांचे बहादुद्दीन खान गेल्या १० वर्षांपासून टोटरी गावाजवळ असलेल्या पार्वती नदीच्या किनाऱ्यावरील चामण माता मंदिरात वास्तव्यास होते. ते मंदिरात पूजा अर्चा करायचे. बहादुद्दीन खान यांनी १० वर्षांपूर्वी मुस्लिम धर्म सोडून हिंदू धर्म स्विकारला होता. तेव्हापासून ते चामण मंदिरात पूजा करायचे, तिथेच राहायचे.
रात्रीच्या मिट्ट काळोखात चालकानं ट्रेनचा ब्रेक दाबला अन् महिलेचा कट उधळला; गुन्ह्याचा उलगडा
बहादुद्दीन खान यांच्या खुनाचं नेमकं कारण अद्यापपर्यंत समोर आलेलं नाही. पुजारी बहादुद्दीन यांची धारदार शस्त्रांनी हत्या करण्यात आल्याची माहिती पोलिसांनी दिली. चामण माता मंदिराजवळ आणखी एक मंदिर आहे. तिथे तीन साधू राहत होते. बहादुद्दीन यांचा खून झाल्यापासून तीन साधू फरार आहेत. त्यांच्या शोधासाठी पोलिसांनी पथकं तयार केली आहेत.