सुला विनयार्ड्सचा आयपीओ १२ डिसेंबर ते १४ डिसेंबर या कालावधीत खुला होता. या आयपीओच्या माध्यमातून कंपनीने ९६० कोटी रुपये उभे केले आहेत. पात्र संस्थात्मक खरेदीदारांच्या श्रेणीमध्ये आयपीओ ४.१३ पट भरला. त्याच वेळी किरकोळ वैयक्तिक गुंतवणूकदारांच्या श्रेणीमध्ये १.६५ पट प्रतिसाद मिळाला. तर बिगर संस्थात्मक गुंतवणूकदारांच्या श्रेणीमध्ये त्याला १.५१ पट सबस्क्रिप्शन मिळाले. कंपनीने या आयपीओसाठी ३४०-३५७ रुपये प्रति शेअर किंमत बँड निश्चित केला आहे.
IPO लिस्टिंगच्या दिवशी नुकसान आता शेअरने पकडला ‘बुलेट’चा वेग; शेअर्सचा भाव ६ महिन्यांच्या उच्चांकावर
आयपीओ पूर्णपणे ऑफर फॉर सेल (OFS) वर आधारित होता. या अंतर्गत कंपनीचे प्रवर्तक गुंतवणूकदार आणि भागधारकांनी २६,९००,५३२ इक्विटी शेअर्स विक्रीला काढले. सुला विनयार्ड्सने आयपीओ उघडण्यापूर्वी अँकर गुंतवणूकदारांकडून २८८ कोटी रुपये उभे केले.
Top Stocks Pick: खरेदी करा ‘हे’ स्टाॅक्स, २०२३ मध्ये देतील भरघोस परतावा; ब्रोकरेजने सुचवले ९ पर्याय
सुला व्हाइनयार्ड्स लाल, पांढर्‍या आणि स्पार्कलिंग वाइन उत्पादनात आघाडीवर आहे. कंपनी सुला, रासा, दिंडोरी, द सोर्स, सातोरी, मदेरा आणि दिया या ब्रँड नावाने वाईन विकते. हे १३ ब्रँडच्या ५६ वेगवेगळ्या लेबल केलेल्या वाइन तयार करते. महाराष्ट्र आणि कर्नाटकमध्ये त्यांच्या मालकीच्या चार आणि दोन भाडेतत्त्वावर उत्पादन कारखाने आहेत.
नाशिकची ही वाईन कंपनी देशातील सर्वात वेगाने वाढणारी अल्कोहोलिक बेव्हरेज कंपन्यांपैकी एक आहे. कंपनीचा करानंतरचा नफा ३० सप्टेंबर २०२२ रोजी संपलेल्या सहा महिन्यांत अनेक पटींनी वाढून ३०.५१ कोटी झाला, जो एका वर्षापूर्वी रु. ४.५३ कोटी होता. ३० सप्टेंबर २०२२ रोजी संपलेल्या सहा महिन्यांच्या कामकाजातील महसूल मागील आर्थिक वर्षातील याच कालावधीतील १५९.१५ कोटी रुपयांच्या तुलनेत ४०.८ टक्क्यांनी वाढून २२४.०७ कोटी रुपये झाला. रिलायन्स कॅपिटलची पूर्ण मालकीची उपकंपनी असलेल्या रिलायन्स कॉर्पोरेट ॲडव्हायझरी सर्व्हिसेसने २०१८ मध्ये सुला विनयार्ड्समधील १९.०५ टक्के हिस्सा २५६ कोटी रुपयांना विकला.
