girl dies, अरेरे! भावंडांसोबत अभ्यास करत होती चिमुरडी; पेन्सिलला टोक काढताना आक्रित घडलं, करूण अंत – 6 year old dies after pencil peel sticks inside her throat in uttar pradeshs hamirpur

वीरगावात वास्तव्यास असलेल्या नंदकिशोर यांची तीन मुलं बुधवारी संध्याकाळी एकत्र अभ्यास करत होती. अभिषेक (१२), अंशिका (८) आणि अर्तिका (६) ही तीन भावंडं गृहपाठ करत होती. अर्तिकानं तोंडात शार्पनर धरलं आणि पेन्सिलला टोक काढू लागली. त्यावेळी पेन्सिलची साल तिच्या तोंडात गेली. अर्तिकानं ती चुकून गिळली. पेन्सिलची साल अर्तिकाच्या घशात अडकली.
आजाराला कंटाळला, कारमध्ये बसला; स्वत:ला संपवण्यासाठी भयानक मार्ग वापरला; इंजिनीयरचा अंत
पेन्सिलची साल श्वसन नलिकेत अडकल्यानं अर्तिकाला त्रास होऊ लागला. वेदनेनं कळवळणारी अर्तिका जमिनीवर लोळू लागली. तिची तडफड पाहून कुटुंबीय चिंतेत होतं. त्यांनी तिला तातडीनं सीएचसीमध्ये नेलं. तिथे डॉ. सत्येंद्र यादव यांनी तिला मृत घोषित केलं. अर्तिका पहिलीत शिकत होती. अर्तिकाच्या मृत्यूमुळे कुटुंबावर दु:खाचा डोंगर कोसळला आहे. आईची रडून रडून दयनीय अवस्था झाली आहे. कुटुंबीयांनी अर्तिकाचं शवविच्छेदन करण्यास नकार दिल्याचं डॉक्टरांनी सांगितलं.
रात्रीच्या मिट्ट काळोखात चालकानं ट्रेनचा ब्रेक दाबला अन् महिलेचा कट उधळला; गुन्ह्याचा उलगडा
लहान मुलांवर डोळ्यात तेल घालून लक्ष देणं गरजेचं असल्याचं डॉ. सत्येंद्र यादव म्हणाले. काही मुलं झोपून खातात, पाणी पितात. अशा सवयी घातक ठरू शकतात. श्वसन नलिकेत खाद्यपदार्थ अडकल्यास जीव जाऊ शकतो, असं यादव यांनी सांगितलं. लहान मुलांना वस्तू तोंडात घालण्याची सवय असते. त्यामुळे त्यांच्यावर लक्ष ठेवणं आवश्यक असल्याचं ते म्हणाले.