रिलायन्स इन्फ्राटेल, धाकट्यासाठी थोरला भाऊ धावला! अनिल अंबानींची कर्जबाजारी कंपनी खरेदी करून मुकेश अंबानींना काय मिळणार? – jio acquires stake in reliance infratel jio deposits rs 3720 crore to acquire 100 percent stake

Anil Ambani: फोर्ब्स श्रीमंतांची यादी ते ‘दिवाळखोरी’, असा आहे धाकट्या अंबानी बंधूच्या घसरणीचा प्रवास
एनसीएलटीकडून हिरवा कंदील मिळाल्यानंतर आता या कंपनीचे अधिग्रहण रिलायन्स जिओच्या हातात येणार आहे. मुकेश अंबानी यांचे धाकटे भाऊ, अनिल अंबानी रिलायन्स कम्युनिकेशनचे प्रमुख असून गेल्या अनेक वर्षांपासून कंपनी प्रचंड कर्ज आणि तोट्याचा सामना करत आहे. बऱ्याच दिवसांपासून ते कंपनी विकण्याच्या तयारीत होते, तर आता कंपनीची कमान रिलायन्स जिओकडे पोहोचली आहे. गुरुवारी शेअर बाजाराला दिलेल्या माहितीनुसार, रिलायन्स इन्फ्राटेकने RPPMSL ला १० रुपये दर्शनी मूल्य असलेले ५० लाख इक्विटी शेअर्सचे वाटप केले आहे. याशिवाय कंपनीने ३७२ कोटी रुपयांचे शून्य कूपन जारी केले आहेत.

अनिल अंबानींसाठी गुड न्यूज! रिलायन्स कॅपिटलसाठी अहमदाबाद स्थित समूहाने लावली सर्वाधिक बोली
जिओचा फायदा किती
धाकटया भावाची कर्जबाजारी कंपनी विकत घेऊन मुकेश अंबानींना काय फायदा होईल? असा प्रश्न नक्कीच तुमच्या मनात येत असेल. तर रिलायन्स इन्फ्राटेलचा ताबा मिळवल्याने रिलायन्स जिओला त्यांचे नेटवर्क वाढवण्यात मदत होईल. याशिवाय रिलायन्स इन्फ्राटेकची मालमत्ता संपादन केल्याने केवळ घरची कंपनी घरीच राहणार नाही, तर जिओला ग्रामीण आणि शहरी भागात आणि देशाच्या विविध भागांमध्ये आपले नेटवर्कचा विस्तार आणखी मजबूत करण्यास मदत करेल. रिलायन्स इन्फ्राटेककडे मोबाईल टॉवर आणि फायबरचे विस्तृत नेटवर्क आहे. अशा स्थितीत जिओ या नेटवर्कचा वापर गावे आणि शहरांच्या विविध भागात पोहोचण्यासाठी करेल.

Metro India: रिलायन्सचा मेगा प्लॅन! मुकेश अंबानींनी विदेशी कंपनी घेतली विकत; ‘एवढ्या’ कोटींची डील
रिलायन्स इन्फ्राटेलची मालमत्ता
रिलायन्स इन्फ्राटेलचे देशभरात ४३,५०० टॉवर आणि १,७० हजार किलोमीटरपेक्षा जास्त फायबर नेटवर्क आहे. कर्जबाजारी रिलायन्स इन्फ्राटेलच्या मालमत्तेवर त्वरित कारवाई न केल्यास त्यांचे मूल्य कमी होऊ शकते, असे रिलायन्स प्रोजेक्ट्सने दाखल केलेल्या याचिकेत म्हटले.