beed accident, वाहनाच्या धडकेत तरुणाचा जागीच अंत; चेहरा ओळखणंही कठीण; कपडे अन् पायाच्या बोटांमुळे ओळख पटली – one died in road accident in beed police starts probe to catch accused

मांजरसुंबा रोडवरील आठवड्यातील ही अपघाताची दुसरी घटना आहे. अज्ञात वाहनाच्या धडकेत एका २५ वर्षीय तरुणाचा जागीच मृत्यू झाला आहे. वाहनाचं चाक डोक्यावरून गेल्यामुळे ओळख पटणं अशक्य झालं होतं. मात्र अंगावरील कपड्यांमुळे आणि पायाच्या बोटांमुळे तरुणाची ओळख पटली. शरद भारत मेंगडे असं मृत्यूमुखी पडलेल्या तरुणाचं नाव आहे. तो सफेपूर तालुक्याचा रहिवासी होता. वाहनाचं चाक डोक्यावरून गेल्यानं बराच रक्तस्राव झाला. तरुणाला चारचाकी वाहनानं चिरडलं असावं असा अंदाज स्थानिकांनी वर्तवला.
तब्बल १० फूट लांबीचं भुयार खणून SBIमध्ये घुसले, पैशांना हात लावला नाही; मग चोरीला काय गेलं?
घटनास्थळी हुंडाई कारचा साईड ग्लास फुटलेल्या अवस्थेत आढळला आहे. त्यामुळे तरुणाला कारनं धडक दिली असावी असा प्राथमिक अंदाज वर्तवण्यात येत आहे. घटनेची माहिती मिळताच पोलिसांनी तातडीनं घटनास्थळी धाव घेतली. त्यांनी पंचनामा करून तरुणाचा मृतदेह नेकनुर येथील रुग्णालयात शवविच्छेदनासाठी पाठवला. घटनेचा तपास नेकनूर पोलीस करत आहेत. मात्र अद्याप तरी वाहनाचा आणि चालकाचा शोध लागलेला नाही.