Authored by आदित्य भवार | Edited by प्रशांत पाटील | महाराष्ट्र टाइम्स.कॉम | Updated: 24 Dec 2022, 9:33 am
Pune Crime News : पुण्यात कोयता गँगची दहशत कमी होताना दिसत नाहीये. काल शुक्रवारी रात्री पुणे-सातारा महामार्गावरील वेळू येथे श्रीराम पेट्रोल पंपावर काही अज्ञातांनी तेथील कामगारांवर कोयत्याने हल्ला करत २२ हजार रूपये लुटले.
हायलाइट्स:
- पुण्यात कोयता गँगची पुन्हा दहशत
- वेळू येथे पेट्रोल पंपावर दरोडा
- २२ हजार लुटत कामगारांवर हल्ला
पोलिसांनी दिलेल्या माहितीनुसार, शुक्रवारी रात्री साडे अकराच्या सुमारास पाच जण दोन दुचाकीवरून पेट्रोल पंपावर आले. त्यांनी सुरक्षारक्षक भरत परिहार यांच्या हाताला पकडून पेट्रोल पंपाच्या ऑफिसमध्ये आणले. त्यानंतर तेथील कॅश द्या, असे ओरडत शिवीगाळ केली. त्यांनी २२ हजार रुपये लुटत कोयत्याने सुरक्षारक्षक व इतर तीन कामगारांना गंभीर जखमी केले. ही सर्व घटना सीसीटीव्हीमध्ये कैद झाली आहे.
रामसेतूला १८ हजार वर्ष, पण अस्तित्वाबाबत अद्याप…; केंद्र सरकारनं संसदेत स्पष्टच सांगितलं
त्यानंतर त्यांनी पुण्याच्या दिशेने पलायन केले. या घटनेच्या तपासासाठी पोलीस निरीक्षक सचिन पाटील, सहाय्यक पोलीस निरीक्षक मनोजकुमार नवसरे व संजय सुतनासे यांच्या नेतृत्वाखाली तीन पथके रवाना झाली आहेत. पोलीस उपनिरीक्षक श्रीकांत जोशी या प्रकरणाचा संपूर्ण तपास करत आहेत.
मुख्यमंत्री सशर्त कक्षेत! चौकशीसाठी लोकायुक्तांना घ्यावी लागणार विधानसभेची पूर्वपरवानगी
जवळच्या शहरातील बातम्या
Marathi News App: तुम्हालाही तुमच्या अवतीभवती होत असलेल्या बदलांमध्ये सहभागी व्हायचं आहे? सिटिझन रिपोर्टर अॅप डाउनलोड करा आणि रिपोर्ट्स पाठवा.
