आज सकाळी निर्देशांकाने २५० अंकांची झेप घेऊन झोकात सुरुवात केली होती. ऍक्सिस बँक, बजाज फिनसर्व्ह, सन फार्मा, पॉवरग्रीड, टायटन, नेस्ले, आयटीसी, एनटीपीसी, एशियन पेंट्स, अल्ट्राटेक सिमेंट आदी शेअर वधारले होते. मात्र ही तेजी फारकाळ टिकली नाही. बाजारात विक्रीचा दबाव वाढू लागला. टेक्नॉलॉजी आणि बँकिंग क्षेत्रात विक्री झाली. एसबीआय, टाटा मोटर्स, इंडियन ओव्हरसीज बँक,येस बँक, इन्फोसिस, एचडीएफसी एचडीएफसी बँक, हिंदुस्थान युनिलिव्हर, मारुती, टीसीएस, कोटक महिंद्रा बँक आदी शेअर घसरले.
कोविड-१९ विषाणूला प्रतिबंध करण्यासाठी लस विकसित करण्यावर जगभरात संशोधन सुरू आहे. या लशीच्या अंतिम टप्प्यात आहेत. ही लस काही महिन्यांत बाजारात उपलब्ध होण्याची शक्यता आहे. या आशेमुळे मंगळवारी दोन्ही भांडवल बाजार वधारले होते.दिवसअखेर सेन्सेक्स ५११.३४ अंकांनी वधारून ३७,९३०.३३ अंकांवर स्थिरावला होता. राष्ट्रीय शेअर बाजाराचा निफ्टी १४०.०५ अंक वधारत ११,१६२.२५ या स्तरावर बंद झाला होता.
दोन्ही निर्देशांकात इतकी विक्रमी वाढ ५ मार्चनंतर प्रथमच दिसून आली आहे. सेन्सेक्स ठरवणाऱ्या ३० कंपन्यांपैकी पॉवरग्रीड कंपनीच्या समभागांना सर्वाधिक फायदा झाला. या कंपनीचा समभाग ६.१४ टक्के वधारला. त्याखालोखाल मारुती, आयसीआयसीआय बँक, एचडीएफसी, कोटक महिंद्र बँक, अॅक्सिस बँक व रिलायन्स इंडस्ट्रीज या कंपन्यांचे समभाग वधारले होते.
शेअर बाजारातील अनिश्चितता पाहता गुंतवणूकदारांनी सावध राहणे गरजेचे आहे. निर्देशांकांचे असे सातत्याने वर जाणे हा एकप्रकारे बाजार फुगवटा ठरू शकतो. सरसकट निष्कर्ष काढण्यापेक्षा गुंतवणूक करताना प्रत्येक कंपनीचा वेगळा अभ्यास करूनच निर्णय घ्यावा, असा सल्ला जिओजित फायनान्शियल सर्व्हिसेसचे विश्लेषक विनोद नायर यांनी दिला.
रुपया मजबूत
भांडवली बाजारात घसरण सुरु असली तरी चलन बाजारात मात्र रुपयाची कामगिरी बहरली. बुधवारी डॉलरच्या तुलनेत रुपयात १५ पैशांची वाढ झाली. रुपया ७४.५९ रुपयांवर ट्रेड करत होता. मंगळवारी देखील डॉलरच्या तुलनेत रुपया १५ पैशांनी वधारला होता.
Marathi News: मराठी बातम्या, Latest News in Marathi, Breaking Marathi News, Marathi News Paper | Maharashtra Times
