वांद्रे पोलिसांनी टेरेसवर पार्टी करणाऱ्या ३० जणांवर गुन्हा दाखल केला आहे. मुख्य आरोपी हरिश खान याला पोलिसांनी शनिवारी रात्रीच अटक केली होती. तर या पार्टीत सहभागी होऊन नियमांचं उल्लंघन करणाऱ्या ३० पैकी काही जणांना सोमवारी आणि मंगळवारी केलेल्या कारवाईत अटक केली. टिकटॉक स्टार असलेल्या आमिर शेखचंही आरोपींमध्ये नाव आहे. आमिरविरोधात वांद्रे पोलिसांनी कलम १८८ आणि सोशल डिस्टन्सिंगच्या नियमांचं उल्लंघन केल्याच्या आरोपाखाली गुन्हा दाखल केला आहे.
पोलिसांकडून मिळालेल्या माहितीनुसार, सर्व जण शनिवारी रात्री हरिशच्या इमारतीच्या छतावर करत होते. त्याच दरम्यान कुणीही मास्क लावला नव्हता. तसंच सोशल डिस्टन्सिंगही पाळलं नव्हतं. हरिश खान याचा बर्थडे होता. त्याने केक कापण्यासाठी तलवारीचा वापर केला. तलवारीनं केक कापणं किंवा तलवारीचा वापर करणं बेकायदेशीर आहे. त्यामुळं पोलिसांनी त्याच्याविरोधात गुन्हा दाखल केला. बर्थडेचा व्हिडिओ शनिवारी रात्री उशिरा सोशल मीडियावर व्हायरल झाला होता. त्यानंतर पोलिसांनी या घटनेची गंभीर दखल घेतली. या प्रकरणी पोलिसांनी हरिश खानविरोधात दाखल तक्रारीच्या आधारे गुन्हा दाखल केला आहे. या प्रकरणाचा तपास वांद्रे पोलीस करत असून, आरोपींना ३ दिवसांची पोलीस कोठडी सुनावली आहे.
Maharashtra News, Latest Maharashtra News in Marathi, महाराष्ट्र ठळक बातम्या | Maharashtra Times
