girl falls and died, खोलीत नाश्त्याचं ताट, छतावर फोन; तिसऱ्या मजल्यावरून पडून तरुणीचा अंत; अखेरचा कॉल गूढ उकलणार? – kanpur girl student died after falling from third floor she was studying llb from surat

रजनी बाथम असं मृत्यूमुखी पडलेल्या विद्यार्थिनीचं नाव आहे. तिनं तिच्या खोलीत कुटुंबियांचा फोटो झालरीसारखा लटकवून ठेवला होता. तिच्या बेडवर नाश्त्याचं ताट होतं. पोलिसांनी फॉरेन्सिक पथक बोलावून प्रकरणाचा तपास सुरू केला. मूळची सूरतची रहिवासी असणारी रजनी बाथम कानपूरच्या हरजेंदर नगरातील तीन मजली घरात भाड्यानं राहत होती. ब्रह्मानंद महाविद्यालयात ती कायद्याचा अभ्यास करत होती. रजनी एलएलबीच्या दुसऱ्या वर्षात शिकत होती. गुरुवारी दुपारी २ वाजता रजनी अचानक छतावरून खाली कोसळली. या घटनेचं सीसीटीव्ही फुटेज समोर आलं आहे.
मधुचंद्राच्या रात्री पतीकडून विचित्र प्रकार; हनीमूनलाही तेच केलं; नेत्याची सून पोलीस ठाण्यात
रजनी छतावरून खाली कशी कोसळली ते अद्यापही समजू शकलेलं नाही. तिचा मुक्काम असलेल्या घरात वास्तव्यास असलेल्या कोणालाही याची माहिती नाही. ती खोलीत एकटीच राहत होती. छतावर रजनीचा मोबाईल आणि चप्पल सापडली. तिच्या बेडवर नाश्त्याचं ताट होतं. पोलिसांना तिच्या घरात नातेवाईकांचे फोटो सापडले आहेत. ते झालरीसारखे लावण्यात आले होते. रजनीनं स्वत: खाली उडी मारली की कोणी तिला धक्का दिला, हा प्रश्न अनुत्तरित आहे. पोलिसांकडून पुरावे गोळा करण्याचं काम सुरू आहे. रजनीनं शेवटचा कॉल गुजरातमधील एका तरुणाला केला होता, अशी माहिती पोलिसांनी दिली.
मी पत्नीला संपवलंय, मला अटक करा! शिक्षक पोलीस ठाण्यात; पोलिसांनी घरी जाऊन पाहिलं तर…
विद्यार्थिनी एलएलबीचा अभ्यास करत होती. ती सूरतची रहिवासी होती. वरच्या मजल्यावरून पडल्यानं तिचा मृत्यू झाला. या प्रकरणाचा तपास सुरू असल्याचं अतिरिक्त पोलीस आयुक्त अमरनाथ यादव यांनी सांगितलं. रजनी एकटी राहत होती. आम्ही शाळेतून मुलांना आणायला गेलो होतो. परत आल्यावर आरडाओरडा ऐकू आला. तेव्हा बाहेर जाऊन पाहिलं तेव्हा रजनी जमिनीवर पडलेली दिसली. ती कशी पडली याबद्दल काहीच कल्पना नाही, असं शेजारी राहणाऱ्या महिलेनं सांगितलं.