husband kills wife, बायकोनं जीव दिला! पोलिसांना नवऱ्याचा जबाब; पण ९ दिवसांत पर्दाफाश; ‘त्या’ जखमेनं रहस्य उलगडलं – husband takes life of wife raigad police arrest him after 9 days

याप्रकरणी सतीश म्हात्रे व त्याचा भाऊ संदेश चव्हाण या दोन संशयिताना अटक करण्यात आली आहे. महिलेच्या कपाळावर झालेल्या मोठ्या जखमेवरुन रायगड पोलिसांनी हा आव्हानात्मक तपास यशस्वी केला आहे. पत्नीनं (ऋणाली म्हात्रे) मुलाला थंड पाण्याने आंघोळ घातली म्हणून संतापलेल्या पतीने तिची हत्या केली. कोणालाही संशय येऊ नये म्हणून तिला गळफास लावून घरात तिने आत्महत्या केल्याचे भासवले. पण पोलीस तपासातून संपूर्ण बनाव उघड झाला. पेण तालुक्यातील देवर्षी नगर डोलवी येथे ही घटना घडली आहे.
मधुचंद्राच्या रात्री पतीकडून विचित्र प्रकार; हनीमूनलाही तेच केलं; नेत्याची सून पोलीस ठाण्यात
देवर्षी नगर डोलवी येथे एका २५ वर्षीय महिलेने गळफास लावून आत्महत्या केल्याची घटना १६ डिसेंबर रोजी सकाळी घडली होती. या प्रकरणी वडखळ पोलीस ठाण्यात आकस्मात मृत्यूची नोंद करण्यात आली होती. पण आता या सगळ्या प्रकरणाला वेगळे वळण मिळाले आहे. या प्रकरणाच्या तपासात महिलेची आत्महत्या नसून खून असल्याचं उघडकीस आलं.
मी पत्नीला संपवलंय, मला अटक करा! शिक्षक पोलीस ठाण्यात; पोलिसांनी घरी जाऊन पाहिलं तर…
मुलाला थंड पाण्याने आंघोळ घातली म्हणून रागाच्या भरात पतीने आपल्या पत्नीचा खून केला. मृत महिलेने तिच्या लहान मुलाला थंड पाण्याने आंघोळ घातली. या गोष्टीचा मनात राग धरुन पतीने तिच्या डोक्यावर जड वस्तू आपटून तिचा खून केला. खून केल्याचा आरोप स्वत: वर येऊ नये म्हणून भावाच्या मदतीने तिला ओढणीच्या साहाय्याने गळफास लावत तिच्या आत्महत्येचा बनाव रचला. ही बाब पोलीस तपासात उघड झाल्यानंतर या प्रकरणी दोघांविरोधात भादंवि कलम ३०२, २०१, ३४ प्रमाणे गुन्हा दाखल करण्यात आला. दोन्ही आरोपींना अटक करण्यात आली आहे.