uddhav thackeray slams shinde fadnavis government, राज्यात ठग-पेंढाऱ्या टोळीचं राज्य, उद्धव ठाकरे शिंदे-फडणवीसांवर बरसले – uddhav thackeray slams shinde fadnavis government

नागपूरच्या हिवाळी अधिवेशनात जनतेचे प्रश्न सोडून दुसऱ्या मुद्द्यांवर राजकारण सुरू आहे. कारण राज्यात सरकार नसून एका बेकायदेशीर टोळीचे राज्य सुरू आहे. भारतात अठराव्या-एकोणिसाव्या शतकात रयतेची लुटमार आणि वाटमार करणाऱ्या संघटित टोळ्या उदयास आल्या होत्या. त्यात पेंढाऱ्यांची सशस्त्र टोळी राजाश्रयाने उदयास आली. तर दुसरी टोळी ठगांची होती. ठगांची टोळी धार्मिक हिंसाचार घडवून आपला मतलब साधणारी भूमिगत संघटना होती. महाराष्ट्रात सध्या अशा ठग आणि पेंढाऱ्यांचीच चलती आहे. राज्य त्यांच्या हुकमाने चालते, अशी बोचरी टीका उद्धव ठाकरे यांनी शिंदे-भाजप सरकारवर केली आहे.

हे खोके सरकार आहे. त्यांनी आज होलसेलमध्ये क्लीन चिट दिलीय. शंभर उंदरांचा फडशा पाडून काशीला पोहोचलेल्या ४० फुटीर बोक्यांचा आनंद औटघटकेचा असणार आहे. नागपूरच्या थंडीत या बोक्यांचे आणि त्यांच्या खोके सरकारचे मेंदू गोठून गेले. भाजपला हवे ते घडले. अधिवेशनात चिखलफेकीस उत्तेजन देऊन छत्रपती शिवरायांच्या अपमानाचा मुद्दा मागे ढकलला. राज्यात ठग-पेंढाऱ्यांचेच राज्य आले म्हटल्यावर दुसरे काय व्हायचे? असा सवाल करत उद्धव ठाकरे यांनी खरमरीत टीका केली आहे.