कमाईची संधी! वर्षाच्या शेवटीही IPO बाजारात गजबजाट; बाजार लाँच होणार दोन नवीन शेअर
टाटा मोटर्समध्ये ३७ टक्क्यांची वाढ शक्य
शेअरखानची टाटा मोटर्सवर खरेदीची शिफारस आहे. यासोबतच प्रति शेअर ५१६ रुपये लक्ष्य किंमत देण्यात आली आहे. आज या शेअरची किंमत ३८६ रुपयांच्या आसपास व्यवहार करीत आहे. अशाप्रकारे, सध्याच्या किमतीवरून शेअर सुमारे ३७ टक्क्यांनी वधारू शकतो. या वर्षी आतापर्यंत या शेअरने २३ टक्क्यांहून अधिक नकारात्मक परतावा दिला आहे. गेल्या एका महिन्यात हा शेअर सुमारे १२ टक्क्यांनी घसरला असून बाजारातील नुकत्याच झालेल्या घसरणीचा परिणाम या शेअरवही दिसून आला.
गुंतवणूकदारांचा पैसा व्यर्थ! टाटाच्या मल्टीबॅगरने केलं कंगाल, ९० रुपयाच्या खाली घसरला भाव
दुसऱ्या तिमाहीत तोटा कमी झाला
जुलै-सप्टेंबर २०२२ या तिमाहीत टाटा मोटर्सचा तोटा कमी झाला आहे. सप्टेंबर तिमाहीत टाटा मोटर्सचा एकत्रित तोटा गेल्या वर्षीच्या याच तिमाहीत ४,४४१.६ कोटींवरून कमी होऊन ९४५ कोटी झाला आहे. टाटा मोटर्सचा एकत्रित महसूल २९.७ टक्क्यांनी वाढून ७९,६११.३ कोटी झाला आहे. जो मागील आर्थिक वर्षाच्या याच तिमाहीत ६१,३७९ कोटी होता. सप्टेंबर तिमाहीत त्याच्या व्यावसायिक वाहनांच्या विक्रीत १५ टक्क्यांनी वाढ झाली आहे.
Top Stocks Pick: खरेदी करा ‘हे’ स्टाॅक्स, २०२३ मध्ये देतील भरघोस परतावा; ब्रोकरेजने सुचवले ९ पर्याय
आज टाटा मोटर्सच्या शेअर्समध्ये तेजी
टाटा मोटर्सची उपकंपनी TML CV मोबिलिटी सोल्युशन्सने १२ वर्षांसाठी राजधानी दिल्ली शहरात १,५०० इलेक्ट्रिक बसेसचा पुरवठा, संचालन आणि देखभाल करण्यासाठी दिल्ली ट्रान्सपोर्ट कॉर्पशी करार केला आहे. या बातमीमुळे आज टाटा ग्रुपच्या शेअर्समध्ये २ टक्क्यांहून अधिकची तेजी दिसून आली.
