मधुचंद्राच्या रात्री पतीकडून विचित्र प्रकार; हनीमूनलाही तेच केलं; नेत्याची सून पोलीस ठाण्यात
हॉटेल कर्मचाऱ्यांनी दिलेल्या माहितीनुसार, महिला तिच्या प्रियकरासोबत रात्री हॉटेलमध्ये आली होती. ओयो ऍपच्या माध्यमातून त्यांनी खोली बुक केली होती. एटीएममधून रोकड काढायची असल्याचं सांगून प्रियकर सकाळी रिसेप्शनवरून बाहेर पडला. बराच वेळ तो परतला नाही. त्यामुळे हॉटेलचा कर्मचारी रुमवर गेला. त्यानं दरवाजा उघडला तेव्हा महिलेचा मृतदेह बेडवर पडला होता. यानंतर हॉटेल व्यवस्थापनानं याची माहिती पोलिसांना दिली.
पोलिसांनी हॉटेल रिसेप्शनवरील आयडी प्रूफ तपासले. महिलेचं नाव रचना, तिच्या प्रियकराचं नाव गौतम असल्याचं समजलं. पोलिसांनी हॉटेलमधील सीसीटीव्ही तपासून तपास सुरू केला. रचना निवाडा गावची रहिवासी आहे. तीन दिवसांपूर्वी रचना तिचा प्रियकर गौतमसोबत फरार झाली. गौतम सिंहसोबत जात असल्याचं रचनानं फोन करून पतीला सांगितलं होतं. यानंतर पती राजकुमारनं तिचा शोध सुरू केला. रचना बेपत्ता असल्याची तक्रार राजकुमारनं बागपत पोलीस ठाण्यात नोंदवली.
मी पत्नीला संपवलंय, मला अटक करा! शिक्षक पोलीस ठाण्यात; पोलिसांनी घरी जाऊन पाहिलं तर…
पोलिसांनी आरोपी प्रियकर गौतम सिंहला अटक केली. गौतमनं गळा दाबून रचनाची हत्या केली. घटना घडली तेव्हा आपण दारू प्यायलो होतो. त्यावेळी रचना घरी जाण्याचा हट्ट करू लागली. रचनाला रात्री थांबण्यास सांगितलं. मात्र तिनं नकार दिला. त्यावरून दोघांमध्ये वाद झाला आणि संतापाच्या भरात रचनाचा गळा आवळला, अशी कबुली गौतमनं पोलिसांकडे दिली.
