motorcycle theft gang, अबब! विहिरीतून पाण्याऐवजी निघाल्या दुचाकी; अख्ख्या बुलढाण्यात ‘बाईकवाल्या विहिरी’ची चर्चा – police bust two wheeler theft racket recovers bikes from well in buldhana

जिल्ह्याच्या वेगवेगळ्या भागातून दुचाकी लंपास करणारी टोळी पोलिसांनी ताब्यात घेतली आहे. दुचाकीचे स्पेअरपार्ट काढून चोरटे विहिरीत फेकत होते. शेगाव रस्त्यावर विहिरीतून पोलिसांनी दुचाकी काढणं सुरू केलं आहे. मागील काही दिवसांपासून दुचाकी चोरीचं प्रमाण वाढलं आहे. दुचाकी चोरणाऱ्या टोळीचा छडा लावण्यात बुलडाणा पोलिसांना यश आलं आहे.
दोनदा बेपत्ता, दोन्हीवेळा पोलिसांनी शोधले; स्मृतीभ्रंश झालेल्या आजोबांसोबत नको ते घडले
पोलिसांनी शेगाव येथील ईदगाह प्लॉट परिसरात राहणाऱ्या सैय्यद वसिम सैय्यद इस्लाम (वय ३८ वर्षे) याला ताब्यात घेऊन दुचाकी चोरीबाबत चौकशी केली होती. यावेळी सैय्यद वसिम याने उडवाउडवीची उत्तरे दिली. अखेर पोलिसी हिसका दाखवला असता सैय्यद वसिम पोपटाप्रमाणे बोलू लागला व गुन्ह्यांची कबुली दिली. काही दुचाक्यांची मोडतोड केली असल्याचीही माहिती दिली. त्याच्यासोबत आणखी काही जण या टोळीत असून पोलिसांनी ताब्यात घेतले आहे. ही टोळी दुचाकीचे वेगवेगळे पार्ट करून नंतर दुचाकी विहिरीत टाकत होती. चौकशीत ही माहिती उघड झाली.
बदले की ‘आग’, पडली महागात! दुश्मनी एकाशी, पण तब्बल २० जणांच्या कार पेटल्या; अफेअर ठरलं कारण
चोरट्यांनी दिलेल्या माहितीच्या आधारे शेगाव ते वरवट बकाल रस्त्यावर एका शेतातील विहिरीतून पोलिसांनी दुचाकी काढणे सुरू केले आहे. उपविभागीय अधिकारी अमोल कोळी यांच्यासह खामगाव आणि शेगाव येथील पोलीस पथक घटनास्थळी दाखल झालेलं असून आणखी एका विहिरीतही अशा दुचाकी असल्याची माहिती आहे.