Attack On Young Man in Beed, कोंबडीचे पाय का तोडले म्हणून धारदार शास्त्राने वार; मटण शॉपमधील घटनेची संपूर्ण तालुक्यात चर्चा – dispute over a minor cause in beed attack on young man with a sharp blade

जिल्ह्यातील केज तालुक्यातील साळेगाव येथे दोन युवक (दिगंबर राऊत आणि अशोक राऊत) मटण शॉपवर मटण घेण्यासाठी आले होते. दिगंबर आणि अशोक जेव्हा मटण दुकानात पोहोचले तेव्हा दुकानात कोणी नव्हेत. अशोक याने स्वत:हून दुकानातील कोंबडीचे पाय कापण्यास सुरूवात केली. हा प्रकार पाहून दिगंबरने त्याला जाब विचारण्यास सुरुवात केली. थोड्याच वेळात या दोघांमध्ये वाद आणि वादाचे रुपांतर हाणामारीत झाले. हाणामारीत अशोकने चक्क दिगंबरच्या डोक्यात मटण कापण्यासाठीचे धारधार शस्त्र मारले. या हल्ल्यात दिगंबर राऊत गंभीर जखमी झाला.

वाचा- IND vs SL: हे तर ठरलेच होते…एकाचे आंतरराष्ट्रीय संपल्यात जमा तर दुसऱ्याला बेजबाबदारपणाची…

हा सर्व प्रकार सुरू असताना आसपास उपस्थित असलेल्या नागरिकांनी दिगंबरला तात्काळ रुग्णालयात दाखल केले. दोघांमधील वाद हा भावकीतील असल्याने यावर कोणी बोलण्यास तयार नाही. या प्रकरणी पोलिसांत अद्याप गुन्हा दाखल करण्यात आलेला नाही. मात्र कोंबडीच्या पायावरून झालेल्या वादाची गावात आणि संपूर्ण तालुक्यात चर्चा सुरू आहे. वाद का झाला तर कोंबडीच्या पायामुळे झाला अशी चर्चा सुरू आहे. दरम्यान दिगंबर राऊत हा युवक गंभीर जखमी झाला असून त्याच्यावर प्राथमिक रुग्णालयात उपचार सुरू आहेत.