siblings beaten, औरंगाबादेत भावंडांना भरबाजारात बेशुद्ध होईपर्यंत मारहाण; कारण वाचून तळपायाची आग जाईल मस्तकात – two siblings beaten in market after failed to pay emi of mobile in aurangabad

अनिकेत शहाणे व अभिषेक शहाणे हे दोघेही सख्खे भाऊ आहेत. अनिकेतने फायनान्स कंपनीकडून कर्ज घेऊन एक अँड्रॉइड मोबाईल खरेदी केला होता. या महिन्याचा मोबाईलचा साडेतीन हजार रुपयांचा हफ्ता अनिकेतकडून गेला नाही. त्यामुळे फायनान्स कंपनीच्या वसुली कर्मचाऱ्याने त्याला कॉल केला. दोघांची कॅनॉट परिसरात भेट झाली. मात्र सध्या पैसे नाहीत, काही दिवसांनी पैसे भरतो असे अनिकेतने संबंधित वसुली करणाऱ्याला सांगितले. यावरून दोघांत वाद झाला.
प्रेयसी कॉल घेईना, फोन सतत बिझी! संतप्त प्रियकर विमानानं भेटीसाठी गेला अन् तब्बल ५१ वेळा…
काही वेळाने फायनान्स कंपनीच्या वसुली करणाऱ्या तरुणाने आठ ते दहा जण बोलावून घेतले. त्यावेळी अनिकेत आणि अभिषेक दोघेही कॅनॉटमध्ये उभे होते. दोन्ही भावांवर आठ ते दहा जणांच्या टोळक्याने हल्ला चढवला. त्यांच्या हातात कंबरेचे बेल्ट, दांडे होते. दोन्ही भावांना रस्त्यावर पाडून आठ ते दहा जणांनी निर्दयीपणे मारहाण केली. टोळक्याच्या मारहाणीत अनिकेत बेशुद्ध पडला. तरीदेखील त्याला मारहाण सुरूच होती.
महिलेच्या मागे लागला, पण भाव देईना; तरुणाकडून स्फोटकं भरलेला मिक्सर गिफ्ट; स्फोट झाला, पण…
अभिषेक हात जोडून दयेची भीक मागत होता. तरीही कुणीही ऐकण्याच्या मनस्थितीत नव्हते. काही स्थानिक व्यापाऱ्यांनी मध्यस्थी करून दोघांना वाचवले. घटनेची माहिती मिळताच सिडको पोलिसांनी घटनस्थळी धाव घेतली. मात्र तोपर्यंत हल्लेखोर पसार झाले होते. पोलिसांनी दोन्ही जखमी भावांना रुग्णालयात हलवले. या घटनेचा व्हिडिओ सध्या सोशल मीडियावर व्हायरल झाला आहे. या प्रकरणी सिडको पोलीस ठाण्यात गुन्हा दाखल करण्याची प्रक्रिया सुरू आहे.