Maharashtra Politics | संजय राऊत यांनी अत्यंत आक्रमक शैलीत मुख्यमंत्री एकनाथ शिंदे यांच्यावर टीका केली. एकनाथ शिंदे यांनी गुरुवारी नागपूरातील संघ मुख्यालयाला भेट दिली. यावेळी त्यांनी डॉ. हेडगेवारांच्या पुतळ्याला अभिवादन केले. एकनाथ शिंदे यांच्या या भेटीचा राजकीय वर्तुळात चांगलीच चर्चा रंगली आहे. या भेटीनंतर संजय राऊत यांनी लगेचच एकनाथ शिंदे यांच्यावर टीकास्त्र सोडले
हायलाइट्स:
- राष्ट्रीय स्वयंसेवक संघ ही हिंदुत्त्ववादी विचारांची संघटना आहे
- एकनाथ शिंदे सभागृहात खाकी पँट घालून आले तरी आम्ही त्यांचे स्वागतच करू
मुख्यमंत्री एकनाथ शिंदे आणि उपमुख्यमंत्री देवेंद्र फडणवीस यांनी आज सकाळी रेशीमबाग येथील राष्ट्रीय स्वयंसेवक संघाच्या मुख्यालयाला भेट दिली. यावेळी मुख्यमंत्री एकनाथ शिंदे यांनी डॉ. हेडगेवारांच्या पुतळ्याला अभिवादन केले. यासंदर्भात बोलताना संजय राऊत यांनी मुख्यमंत्री शिंदे यांना अनेक टोले लगावले. संघ विचारांचा रेशीम कीडा फार पहिल्यापासून एकनाथ शिंदेच्या मनात वळवळत होता. राष्ट्रीय स्वयंसेवक संघटना ही हिंदुत्त्वादी विचारांची संघटना आहे. त्यामुळे आम्ही कधीही संघावर टीका केलेली नाही. एकनाथ शिंदे यांनी ‘पक्षांतर’ केलं होतं, पण इतक्या लवकर त्यांचे ‘रक्तांतर’ होईल, असे वाटले नव्हते, अशी टिप्पणी संजय राऊत यांनी केली.
बावनकुळेंच्या इशाऱ्यामुळे माझी झोपच उडालेय, राजकारणातून संन्यास घ्यायचा विचार करतोय: अजित पवारयावेळी संजय राऊत यांनी मुख्यमंत्री एकनाथ शिंदे यांना सावधानतेचा इशाराही दिला. मुंबई महानगरपालिकेतील शिवसेना कार्यालयात शिंदे गटाच्या कार्यकर्त्यांनी घुसखोरी केली. या सगळ्याची सूत्रे मुख्यमंत्री कार्यालयातून हलवत असतील तर त्यांनी सावधपणे पावले टाकावीत. एक दिवस भाजपवाले तुमच्या मुख्यमंत्री कार्यालयात कधी घुसतील हे तुम्हाला कळणारही नाही, असे संजय राऊत यांनी म्हटले. तसेच राऊत यांनी शिंदे गटाचे नेते नरेश म्हस्के यांच्यासंदर्भतही भाष्य केले. हेच नरेश म्हस्के मातोश्रीवर एकनाथ शिंदे यांच्या तक्रारी घेऊन यायचे. शिंद्यांना आवरा, असे ते सांगायचे. एकनाथ शिंदेंच्या भ्रष्टाचाराच्या तक्रारी म्हस्के यांच्याकडून यायच्या, असेही संजय राऊत यांनी सांगितले.
एकनाथ शिंदे संघाच्या मुख्यालयात
एकनाथ शिंदे यांनी राष्ट्रीय स्वयंसेवक संघाच्या मुख्यालयाला भेट दिल्यानंतर प्रसारमाध्यमांशी संवाद साधला. यावेळी त्यांनी म्हटले की, शिवसेना-भाजप सोबत आहोत. हे एक प्रेरणास्थान आहे, स्फूर्तीस्थान आहे. इथे नतमस्तक व्हायला आलोय. बालपणी संघाच्या शाखेत गेलो होतो. इथे आल्यावर समाधान आहे. यात कोणताही राजकीय हेतू नाही. मुख्यमंत्री बनल्यानंतर मला इथे आल्यानंतर नवा अनुभव मिळाल्याची प्रतिक्रिया एकनाथ शिंदे यांनी व्यक्त केले.
जवळच्या शहरातील बातम्या
Marathi News App: तुम्हालाही तुमच्या अवतीभवती होत असलेल्या बदलांमध्ये सहभागी व्हायचं आहे? सिटिझन रिपोर्टर अॅप डाउनलोड करा आणि रिपोर्ट्स पाठवा.
