Authored by म. टा. प्रतिनिधी | Edited by रोहित धामणस्कर | महाराष्ट्र टाइम्स.कॉम | Updated: 29 Dec 2022, 12:47 pm

Maharashtra Assembly Winter Session: भाजप आणि शिंदे गटाकडून सातत्याने त्यांची एकी दाखवण्याचा प्रयत्न केला जातो. मुख्यमंत्री एकनाथ शिंदे आणि उपमुख्यमंत्री देवेंद्र फडणवीस यांनी आज सकाळी रेशीमबाग येथील राष्ट्रीय स्वयंसेवक संघाच्या मुख्यालयाला भेट दिली. यावेळी मुख्यमंत्री एकनाथ शिंदे यांनी डॉ. हेडगेवारांच्या पुतळ्याला अभिवादन केले. त्यांच्या या भेटीची राजकीय वर्तुळात चांगलीच चर्चा रंगली आहे.

 

Eknath Shinde and Pravin Darekar
एकनाथ शिंदे आणि प्रवीण दरेकर

हायलाइट्स:

  • दोनशे कोटींचा हा घोटाळा
  • परळ येथील गांधी रुग्णालयातील कर्मचाऱ्यांच्या ग्रॅच्युटीचा प्रश्न
  • मुख्यमंत्र्यांनाही तुम्ही बोलू देत नाही
म.टा. प्रतिनिधी, नागपूर: विधानपरिषदेचे सदस्य प्रसाद लाड यांनी विचारलेल्या एका प्रश्नावर माहिती घेऊन सांगतो असे मुख्यमंत्री एकनाथ शिंदे यांनी सांगताच ‘अरे माहिती कसली घेताय?’, असे म्हणत भाजपचे सदस्य प्रवीण दरेकरांनी थेट मुख्यमंत्री एकनाथ शिंदे यांना सुनावले. मुख्यमंत्री बोलत असताना त्यांना बोलू न देता गोंधळ घालण्यास सुरुवात केल्याबाबत उपसभापती निलम गोऱ्हे यांनी दरेकरांना समज दिली.
शिंदेंच्या मनात संघ विचारांचा रेशीम कीडा पूर्वीपासूनच वळवळतोय, उद्या सभागृहात खाकी पँट घालून येतील: संजय राऊत
परळ येथील गांधी रुग्णालयातील कर्मचाऱ्यांच्या ग्रॅच्युटीचा प्रश्न केंद्र सरकारकडे प्रलंबित आहे. त्यासाठी राज्य शासन पाठपुरावा करणार का, असा प्रश्न सदस्य प्रसाद लाड आणि प्रवीण दरेकर यांनी केला. याची माहिती घेतली जाईल, असे मुख्यमंत्री शिंदे यांनी सांगितले. त्यावर आमदार दरेकर अचानक आक्रमक झाले. दोनशे कोटींचा हा घोटाळा आहे. माहिती कसली घेता, असा सवाल आमदार दरेकर यांनी केला. यावर ‘मुख्यमंत्र्यांनाही तुम्ही बोलू देत नाही. तुम्ही विरोधी पक्षात आहात का..? असे सभापती निलम गोऱ्हे यांनी आमदार दरेकर यांना सुनावले.
बावनकुळेंच्या इशाऱ्यामुळे माझी झोपच उडालेय, राजकारणातून संन्यास घ्यायचा विचार करतोय: अजित पवार
भगवती व डॉ. बाबासाहेब आंबेडकर रुग्णालयाची दुरवस्था झाली आहे. याठिकाणी अत्याधुनिक सुविधा नाहीत. मुंबई उपनगरातील ही महत्त्वाची रुग्णालये असून वसई, विरार येथून येथे नागरिक उपचारासाठी येतात. सुविधांच्या अभावी रुग्णांना केईएम किंवा नायर रुग्णालयात जावे लागते, असा मुद्दा या प्रश्नाद्वारे उपस्थित करण्या आला होता. त्यावर मुख्यमंत्री शिंदे म्हणाले, मुंबईतील महापालिकेच्या रुग्णालयांच्या दुरवस्थेबाबत विधानसभेतही चर्चा झाली आहे. पालिकेच्या रुग्णालयांसाठी निधी उपलब्ध केला जाईल, असे जाहीर केले आहे. परंतु, आमदार दरेकर यांनी भगवती व डॉ. बाबासाहेब आंबेडकर रुग्णालयाबाबत मुद्दा मांडल्याने त्यासाठी आजच पालिका आयुक्त इक्बाल सिंह चहल यांना सूचना दिल्या जातील. या रुग्णालयांच्या सुधारणेसाठी दोन महिन्याचे नियोजन केले जाईल व निधी दिला जाईल, असे मुख्यमंत्र्यांनी स्पष्ट केले.

शिंदेंच्या मनात संघ विचारांचा रेशीम कीडा पूर्वीपासूनच वळवळतोय: संजय राऊत

एकनाथ शिंदे यांनी गुरुवारी राष्ट्रीय स्वयंसेवक संघाच्या रेशीमबाग येथील मुख्यालयाला भेट दिली. यानंतर संजय राऊत यांनी त्यांच्यावर टीकास्त्र सोडले. संघ विचारांचा रेशीम कीडा हा पहिल्यापासूनच एकनाथ शिंदे यांच्या मनात आणि कानात वळवळत होता. उद्या एकनाथ शिंदे सभागृहात खाकी पँट घालून येतील, अशी खोचक टिप्पणी संजय राऊत यांनी केली.

जवळच्या शहरातील बातम्या

Marathi News App: तुम्हालाही तुमच्या अवतीभवती होत असलेल्या बदलांमध्ये सहभागी व्हायचं आहे? सिटिझन रिपोर्टर अॅप डाउनलोड करा आणि रिपोर्ट्स पाठवा.

2 COMMENTS

  1. Your article made me suddenly realize that I am writing a thesis on gate.io. After reading your article, I have a different way of thinking, thank you. However, I still have some doubts, can you help me? Thanks.

LEAVE A REPLY

Please enter your comment!
Please enter your name here