विम्याचे ४ कोटी हडपण्यासाठी मित्राचा खून केल्याच्या प्रकरणात आणखी धक्कादायक माहिती समोर आली आहे. देवळाली कॅम्प परिसरात राहणाऱ्या अशोक भालेराव यांची कारने चिरडून हत्या केल्याची घटना समोर आली होती. त्या हत्येचा उलगडा झाला असून या प्रकरणाचा संबंध आणखी एका हत्येशी असल्याचे धागेदोरे पोलिसांच्या हाती लागले आहेत.
जखमी काकांना घेऊन पुतण्या रुग्णालयात; काकीचा बदलणारा जबाब; जखमेमुळे डॉक्टरांना शंका अन्…
या प्रकरणाचा कसून तपास केला असताना आणखी एक धक्कादायक ट्विस्ट समोर आला आहे. अशोक भालेराव यांचा खून करण्याच्या ८ महिन्यांपूर्वी म्हणजेच जानेवारी २०२१ ला एका अनोळखी ईसमाचीही अशाच प्रकारे या ६ आरोपींनी हत्या केली होती. पोलीस तपासात ही बाब निष्पन्न झाली असून प्राप्त माहितीनुसार अनोळखी इसमाला दारू पाजून गाडीने उडवून त्याची हत्या केली. त्या हत्या प्रकरणात म्हसरूळ पोलीस स्टेशनमध्ये काल रात्री गुन्हा दाखल झाला. धक्कादायक माहिती अशी होती की त्या प्रकरणात मयत अशोकवरही गुन्हा दाखल होता. खुनाच्या गुन्ह्यात एका महिलेचा देखील समावेश आहे.
औरंगाबादेत भावंडांना भरबाजारात बेशुद्ध होईपर्यंत मारहाण; कारण वाचून तळपायाची आग जाईल मस्तकात
नाशिकमध्ये झालेले हे सर्व प्रकरण आता उघडकीस आले आहे. डिसेंबरच्या पहिल्या आठवड्यात विमा कंपनीचे पैसे लुटण्यासाठी एकाची हत्या करत अपघाताचा बनाव केल्याची धक्कादायक घटना उघडकीस आली होती. अशोक भालेराव याची हत्या करण्यात आली होती. अशोक भालेराव याचा खून होण्याच्या जवळपास ८ महिन्यांपूर्वी याच घटनेतील काही संशयित आरोपींनी जानेवारी २०२१ला मध्यरात्री गोदावरी किनारी बसलेल्या एका अनोळखी इसमाला दारू पाजली आणि त्याला एका स्कॉर्पिओ गाडीत बसवून आडगाव म्हसरुळ लिंक रोडवर फेकून देत त्याच्या अंगावरुन गाडी चालवून त्याला संपवत अपघात झाल्याचे भासवले होते. म्हसरूळ पोलीस ठाण्यात तेव्हा अपघाताचा गुन्हाही दाखल झाला होता. त्यात अशोकचे नाव समोर आले असून तोदेखील खून विम्याचे पैसे हडपण्यासाठी असावा अशी दाट शक्यता आहे.
जवळच्या शहरातील बातम्या
Marathi News App: तुम्हालाही तुमच्या अवतीभवती होत असलेल्या बदलांमध्ये सहभागी व्हायचं आहे? सिटिझन रिपोर्टर अॅप डाउनलोड करा आणि रिपोर्ट्स पाठवा.
