वाचा:
दादर येथील ‘राजगृह’ या निवासस्थानावर करण्यात आलेल्या हल्ल्याप्रकरणी माटुंगा पोलिसांनी आधी उमेश सीताराम जाधव (३५) या आरोपीला अटक केली होती. तो दगडफेक करणाऱ्या मुख्य आरोपीला मदत करत होता. सीसीटीव्ही फुटेजच्या आधारे ही कारवाई करण्यात आली होती. त्यानंतर आता मुख्य आरोपीला बेड्या ठोकण्यात आल्या आहेत.
दरम्यान, हिंदू कॉलनीमधील राजगृहाबाहेरच्या फुलझाडांची, कुंड्यांची नासधूस करण्यात आली होती. यावेळी करण्यात आलेल्या दगडफेकीत राजगृहाच्या काचांचे नुकसान झाले होते. तसेच सीसीटीव्ही कॅमेरे फोडून दगडफेक करून हल्लेखोरांनी पळ काढला होता. याबाबतची माहिती मिळताच माटुंगा पोलिसांसह मुंबई दलातील वरिष्ठ अधिकारी घटनास्थळी पोहचले होते. या घटनेची गंभीर दखल घेत राजगृहजवळ कडक पोलीस बंदोबस्त ठेवण्यात आला आहे.
वाचा:
‘राजगृह’ला आता २४ तास सुरक्षा
राजगृहवरील हल्ल्याचे तीव्र पडसाद सर्वच स्तरांवर उमटले होते. मुख्यमंत्री उद्धव ठाकरे यांच्यासह सर्वांनी यावर तीव्र भावना व्यक्त केल्या. त्यातूनच ‘राजगृह’ वास्तूला यापुढे २४ तास पोलीस सुरक्षा देण्याचा निर्णय राज्य मंत्रिमंडळाच्या बैठकीत घेण्यात आला. ‘राजगृह’च्या सुरक्षेचा प्रश्न गृहनिर्माण मंत्री जितेंद्र आव्हाड यांनी मंत्रीमंडळ बैठकीत उपस्थित केला होता. त्यानंतर सुरक्षेबाबत एकमुखाने निर्णय घेण्यात आला.
वाचा:
Marathi News: मराठी बातम्या, Latest News in Marathi, Breaking Marathi News, Marathi News Paper | Maharashtra Times
