बाबरी प्रकरण की राम मंदिर भूमिपूजन? अडवाणी – शहांमध्ये झाली चर्चा

नवी दिल्लीः बाबरी मशिद प्रकरणाच्या सुनावणीपूर्वी केंद्रीय गृहमंत्री यांनी भाजपचे ज्येष्ठ नेते यांची भेट घेतली. यावेळी दोन्ही नेत्यांनी सुमारे अर्धा तास चर्चा केली. ५ ऑगस्टला अयोध्येत राम मंदिर भूमिपूजनाचा कार्यक्रम होणार आहे. पंतप्रधान नरेंद्र मोदी यांच्याहस्ते हे भूमिपूजन होणार आहे. या पार्श्वभूमीवर गृहमंत्री अमित शहा यांनी अडवाणींची घेतलेली ही भेट अतिशय महत्वाची मानली जाते.

अडवाणी हे राम मंदिर आंदोलनाचे प्रमुख नेते

राम मंदिर आंदोलनाचे नेतृत्व लालकृष्ण अडवाणी यांनी केले होते. त्यांनी सोमनाथ येथून रथयात्रा सुरू करून हा भाजपसाठी हा मुद्दा मोठा केला होता. त्यानंतर लोकसभा निवडणुकीत पक्षाच्या जागा वाढतच गेल्या. राम मंदिर भूमिपूजनाच्या सोहळ्याला ट्रस्टच्या वतीनेही अडवाणी यांना फोन करण्यात येणार आहे, अशी चीही चर्चा आहे.

बाबरी प्रकरणी २४ जुलैला अडवाणी हजार होणार

बाबरी मशिद ढासळल्या प्रकरणी लालकृष्ण अडवाणी २४ जुलैला विशेष सीबीआय कोर्टात हजर होणार आहेत. ते व्हिडिओ कॉन्फरन्सिंगद्वारे आपला जबाब नोंदवतील. त्याला सीआरपीसीच्या कलम ३१३ अंतर्गत कोर्टासमोर हे निवेदन नोंदवायचे आहे. यासंदर्भात ९२ वर्षीय अडवाणी यांच्यासमवेत झालेल्या बैठकीत शहा यांच्यासोबत सरकारी वकिलही होते, असं सूत्रांनी सांगितलं. अडवाणी हे बाबरी मशीद प्रकरणातील आरोपींपैकी एक आहे.

राम मंदिर भूमिपूजनावर चर्चा?

अडवाणींच्या आधी पक्षाचे ज्येष्ठ नेते मुरली मनोहर जोशी हे २३ जुलै आपली बाजू मांडणार आहेत. या विषयावर गृहमंत्री अमित शहा यांनी पक्षाचे ज्येष्ठ नेते अडवाणी यांच्याशी चर्चा केली असल्याचं सूत्रांचं म्हणणं आहे. सूत्रांनी दिलेल्या माहितीनुसार दोन्ही नेत्यांमध्ये भूमिपूजनाच्या मुद्दावरही चर्चा झाल्याचं सांगितलं.

बाबरी प्रकरणात सर्वोच्च न्यायालयाने विशेष सीबीआय कोर्टाला ३१ ऑगस्टपर्यंत सुनावणी पूर्ण करण्यास सांगितले आहे. दररोज या खटल्याची सुनावणी करणारे विशेष सीबीआय कोर्ट सध्या बाबरी मशीद प्रकरणातील ३२ आरोपींची निवेदने नोंदवित आहे.