rishabh pant car accident: क्रिकेटपटू ऋषभ पंतच्या कारला काल पहाटेच्या सुमारास भीषण अपघात झाला. दिल्ली-देहरादून मार्गावर पंतची कार अपघातग्रस्त झाली. अपघाताची तीव्रता इतकी अधिक होती की काही मिनिटांतच कारनं पेट घेतला. पंतची मर्सिडीज कार अपघातानंतर पूर्णपणे खाक झाली. कारनं पेट घेण्याच्या काही मिनिटांपूर्वी पंत बाहेर आला.
पेटत्या कारमधून बाहेर काढले; चादरीत गुंडाळून रुग्णालयात पाठवले; पंतसाठी दोन देवदूत धावले
श्याम शर्मांनी पंतची भेट घेऊन प्रकृतीची विचारपूस केली. अपघात कसा झाला याबद्दल त्यांनी विचारणा केली. त्यावर समोर खड्डा आला. तो टाळताना कारला अपघात झाल्याचं पंतनं सांगितलं. श्याम शर्मा पंतची भेट घेऊन निघत असताना माध्यमांच्या प्रतिनिधींनी ऋषभच्या प्रकृतीसंदर्भात विचारणा केली. त्यावर रात्रीची वेळ होती. समोर अचानक खड्डा आला. तो चुकवताना अपघात घडल्याचं शर्मांनी सांगितलं.
पंत स्वत: कार का चालवत होता? ड्रायव्हर का नव्हता? रुग्णवाहिकेत खुद्द ऋषभनंच सांगितलं कारण
पंतला सध्या तरी एअरलिफ्ट करण्याची गरज नसल्याचं शर्मा म्हणाले. त्याला सध्या दिल्लीलादेखील हलवण्यात येणार नाही. लिगमेंट उपचारासाठी पंतला लंडनला नेलं जाऊ शकतं. मात्र याबद्दलचा निर्णय बीसीसीआय घेईल. पंतला कुठेही शिफ्ट करायचं असल्यास त्याविषयीचा निर्णय बीसीसीआयकडूनच घेतला जाईल. पंतला अजूनही वेदना होत आहेत. मात्र तरीही त्याच्या चेहऱ्यावरचं हसू कायम आहे. बीसीसीआय सर्व डॉक्टरांच्या संपर्कात आहे, असं शर्मा म्हणाले.
भीषण अपघातातून पंत सुदैवानं बचावला; पण एक चूक घडली; ऋषभवर काय कारवाई होणार?
पंतला झालेल्या दुखापती गंभीर नसल्याचं आतापर्यंतच्या वैद्यकीय अहवालांमधून समोर आल्याचं डीडीसीएचे संयुक्त सचिव राजन मनचंदा यांनी सांगितलं. पंत २ महिन्यांत मैदानात उतरेल अशी अपेक्षा आम्हाला आहे. डीडीसीएचे संचालक श्याम शर्मा पंतला भेटायला देहरादूनला पोहोचले असून बीसीसीआय पंतच्या उपचारांसाठी सर्वोत्तम पर्यायांचा वापर करत असल्याची माहिती मनचंदा यांनी दिली.
Marathi News App: तुम्हालाही तुमच्या अवतीभवती होत असलेल्या बदलांमध्ये सहभागी व्हायचं आहे? सिटिझन रिपोर्टर अॅप डाउनलोड करा आणि रिपोर्ट्स पाठवा.
