दोन मिनिटांत येतो सांगून सुधीर मुनगंटीवारांनी नड्डांसमोर थाप मारली; अहिरांच्या घरी जाणं टाळलं
फडणवीस सरकारमध्ये भारतींचा बोलबाला
देवेंद्र फडणवीस हे राज्याचे मुख्यमंत्री असताना २०१४ ते २०१९ या काळात देवेन भारती यांच्या खांद्यावर अनेक महत्त्वाच्या पदांची धुरा सोपवण्यात आली होती. सुरुवातीला सह पोलीस आयुक्त (कायदा व सुव्यवस्था) या पदाची जबाबदारी सांभाळत असलेल्या भारती यांना नंतर अतिरिक्त डीजीपी म्हणून बढती देऊन दहशतवाद विरोधी पथकात हलवण्यात आले. लोकसभा निवडणूका जाहीर होताच एकाच पदावर तीन वर्षापेक्षा अधिक कार्यकाळ झालेल्या पोलीस अधिकाऱ्यांच्या इतरत्र बदल्या करण्याचे आदेश निवडणूक आयोगाने जाहीर केले होते. पण भारती यांचा सक्षम अनुभव लक्षात घेता त्यांना या आदेशातून वगळण्यासाठी राज्य सरकारने खूप प्रयत्न केले. सरकारची विनंती मान्यही करण्यात आली. पण निवडणुकीच्या वेळी पुन्हा निवडणूक आयोगाने बदलीचे आदेश दिल्याने भारती यांना त्यावेळी तूर्त आर्थिक गुन्हे शाखेची जबाबदारी सोपवण्यात आली होती.
दरम्यान, राज्यात २०१९ मध्ये महाविकास आघाडीचं सरकार आल्यानंतर फडणवीसांच्या मर्जीतील समजल्या जाणाऱ्या भारती यांची नियुक्ती महाराष्ट्र राज्य सुरक्षा महामंडळाचे सहव्यवस्थापकीय संचालक म्हणून करण्यात आली होती. आता पुन्हा देवेंद्र फडणवीस हे गृहमंत्री झाल्याने देवेन भारती यांच्यावर महत्त्वाची जबाबदारी दिली जाण्याची शक्यता वर्तवण्यात येत आहे.
