Cyrus Mistry death | टाटा सन्सचे माजी अध्यक्ष सायरस मिस्त्री यांचा सप्टेंबर महिन्यात पालघरनजीक झालेल्या भीषण अपघातामध्ये मृत्यू झाला होता. चारोटी गावाच्या परिसरात सूर्या नदीवरील पूलावर सायरस मिस्त्री यांची मर्सिडीज कार जोरात दुभाजकावर जाऊन आदळली. यामध्ये सायरस मिस्त्री जागीच गतप्राण झाले होते. हा अपघात घडला तेव्हा मर्सिडीज कारमध्ये एकूण चारजण होते. यापैकी सायरस मिस्त्री आणि जहांगीर दिनशा पंडोले यांचा मृत्यू झाला होता.
हायलाइट्स:
- सायरस मिस्त्री आणि जहांगीर पंडोले यांचा मृत्यू
- अनाहिता पंडोले यांनी अपघाताच्यावेळी योग्यरित्या सीटबेल्ट लावला नव्हता
- अनाहिता पंडोले यांच्याविरोधात गुन्हा
कासा पोलिसांनी डहाणू सत्र न्यायालयात दाखल केलेल्या आरोपपत्रात पाच साक्षीदारांचे जबाब नोंदवले आहेत. यामध्ये म्हटले आहे की, अपघाताच्यावेळी अनाहिता पंडोले कार चालवत होत्या. दुपारी २ वाजून ३४ मिनिटांच्या सुमारास घोळ गावानजीक गाडीचा अपघात झाला. अनाहिता पंडोले यांच्या चुकीमुळे हा अपघात झाला. या अपघातामध्ये अनाहिता पंडोले यांचा जीव वाचला. मात्र, त्या गंभीररित्या जखमी झाल्या होत्या. गेल्या काही दिवसांमध्ये अनाहिता पंडोले यांच्यावर अनेक शस्त्रक्रिया झाल्या आहेत. त्यांच्यावर सध्या उपचार सुरु असल्यामुळे पोलिसांनी अनाहिता पंडोले यांची केवळ चौकशी केली आहे, त्यांना अटक करण्यात आलेली नाही.
सायरस मिस्त्री अपघात प्रकरणी मोठी माहिती; अनाहिता पंडोल यांची ती एक चूक महागात पडलीअनाहिता पंडोले यांनी अपघाताच्यावेळी योग्यरित्या सीटबेल्ट लावला नव्हता. तसेच सायरस मिस्त्री आणि जहांगीर पंडोले यांनीही सीटबेल्ट लावल्याची खात्री केली नव्हती. त्या निष्काळजीपणे गाडी चालवत होत्या. अनाहिता यांनी ओव्हरटेक करण्याचा प्रयत्न करण्याच्या नादात हा अपघात झाल्याचे पोलिसांच्या आरोपपत्रात म्हटले आहे. अनाहिता पंडोले यांच्यावर पोलिसांनी ५ नोव्हेंबरला वाहतुकीच्या नियमांचे उल्लंघन आणि वाहन वेगाने आणि निष्काळजीपणे चालवल्याप्रकरणी गुन्हा दाखल केला होता. त्यांच्यावर लेनची शिस्त न पाळणे आणि गाडीला ओव्हरटेक केल्याचाही ठपका ठेवण्यात आला होता.
सायरस मिस्त्री पत्नीला म्हणाले होते, ‘माझी नोकरी जाणार’
अनाहिता पंडोले यांची परिस्थिती नेमकी कशी?
या अपघातामध्ये दारियस पंडोले आणि डॉ. अनाहिता पंडोले यांचा जीव वाचला होता, मात्र, त्यांना गंभीर दुखापत झाली होती. दारिसय पंडोले यांच्यावर तब्बल ५४ दिवस रिलायन्स रुग्णालयात उपचार सुरु होते. त्यांचा चेहरा आणि हातावर शस्त्रक्रिया करण्यात आली होती. दारियस यांचा जबडा, तोंड आणि चेहऱ्यावर अनेक जखमा झाल्या होत्या. संसर्ग झाल्यामुळे त्यांची प्रकृती काही काळ गंभीर होती. तर अनाहिता पंडोले यांचे नाक, बरगडी, फुफ्फुस आणि कमरेखालच्या भागाला गंभीर दुखापत झाली होती.
जवळच्या शहरातील बातम्या
Marathi News App: तुम्हालाही तुमच्या अवतीभवती होत असलेल्या बदलांमध्ये सहभागी व्हायचं आहे? सिटिझन रिपोर्टर अॅप डाउनलोड करा आणि रिपोर्ट्स पाठवा.
