Girl Molested In Jalgaon: पाच दिवसांपासून अल्पवयीन विद्यार्थिनीचा पाठलाग करणाऱ्या चहाविक्रेत्याला अटक करण्यात आली आहे. पोलिसांनी त्याच्यावर गुन्हा दाखल करुन पुढील तपास सुरू केला आहे. (Jalgaon News)

 

पाच दिवसांपासून करत होता पाठलाग; चहाविक्रेत्याने तरुणीला रस्त्यात एकटीला गाठलं अन्...
पाच दिवसांपासून करत होता पाठलाग; चहाविक्रेत्याने तरुणीला रस्त्यात एकटीला गाठलं अन्…
जळगावः कनिष्ठ महाविद्यालयात शिक्षणासाठी येणाऱ्या अल्पवयीन मुलीचा गेल्या पाच दिवसांपासून यावल बसस्थानक ते साकळी गावापर्यंत चहा विक्रेत्याने पाठलाग केला. गुरुवारी अल्पवयीन मुलगी एकटी असल्याचे साधत तरुणाने तिच्याकडे मोबाईल नंबर मागत तिचा विनयभंग केल्याची घटना घडली आहे. याप्रकरणी यावल पोलिसात गुन्हा दाखल होवून अशोक नानकराम दुधानी रा. सिंधी कॉलनी, भुसावळ ता. भुसावळ यास अटक करण्यात आली आहे.

तालुक्यातील एका गावातून १७ वर्षीय विद्यार्थिनी महाविद्यालयीन शिक्षणासाठी यावल येथे येते. बस स्थानकावरून महाविद्यालयात जाताना या अल्पवयीन मुलीचा यावल येथील बस स्थानकावरील चहा विक्रेता अशोक नानकराम दुधानी हा गेल्या पाच दिवसांपासून दुचाकीने पाठलाग करत होता व मोबाईल नंबरची मागणी करत होता.

वाचाः आधी झाड नंतर मंदिराच्या कळसाला जाऊन धडकले विमान, भीषण अपघातात पायलटचा मृत्यू

गुरूवारी विद्यार्थिनी एकटी असल्याचे पाहून त्याने तिच्याकडे मोबाइल नंबरची मागणी व विनयभंग केला. याबाबत अल्पवयीन मुलीने पोलिसांना माहिती दिल्यावर पोलिसांनी तात्काळ अशोक दुधानी यास ताब्यात घेतले. विद्यार्थिनीच्या तक्रारीवरुन त्याच्या विरूद्ध बाल लैंगिक अत्याचाराच्या कलमान्वये गुन्हा दाखल करण्यात आला आहे. पुढील तपास उपनिरीक्षक प्रदीप बोरुडे हे करत आहे.

वाचाः लाइफ जॅकेट घालून पोहायला गेला तरीही काळाने गाठलेच; गणपतीपुळेच्या समुद्रात नक्की काय घडलं?

जवळच्या शहरातील बातम्या

Marathi News App: तुम्हालाही तुमच्या अवतीभवती होत असलेल्या बदलांमध्ये सहभागी व्हायचं आहे? सिटिझन रिपोर्टर अॅप डाउनलोड करा आणि रिपोर्ट्स पाठवा.

LEAVE A REPLY

Please enter your comment!
Please enter your name here