गुजरातच्या सूरतमध्ये एका कुत्र्यानं मुलीवर हल्ला केला. कुत्र्यानं झडप घालून मुलीच्या गालाचा चावा घेतला. त्यामुळे मुलगी गंभीर जखमी झाली. सध्या तिची मृत्यूसोबत झुंज सुरू आहे. मुलीच्या मदतीला आईनं धाव घेतली. त्यामुळे तिचा जीव वाचला. घटना सीसीटीव्हीत रेकॉर्ड झाली.

 

surat dog attack
सूरत: गुजरातच्या सूरतमध्ये एका कुत्र्यानं चिमुरडीवर हल्ला केला. या घटनेचा व्हिडीओ समोर आला आहे. हंसपुरा सोसायटीमध्ये ही घटना घडली. गल्लीत असलेल्या कुत्र्यानं बाहेर खेळत असलेल्या चिमुकलीचा चावा घेतला. त्यात ती जबर जखमी झाली. घराजवळ असलेल्या सीसीटीव्हीत संपूर्ण घटना कैद झाली. या घटनेचा व्हिडीओ आता सोशल मीडियावर व्हायरल झाला आहे.

घरासमोर खेळत असलेल्या चिमुरडीवर कुत्र्यानं हल्ला केला. मुलीच्या आईनं हा प्रकार पाहिला आणि मुलीची सुटका केली. लेकीच्या सुटकेसाठी गेलेल्या आईवरही कुत्र्यानं हल्ला केला. त्यात ती जखमी झाली. कुत्र्यानं गालाजवळचा लचका तोडल्यानं मुलीची प्रकृती अतिशय नाजूक आहे.
वडिलांना न सांगता बोलेरो घेऊन गेला, डेंट पडला; बाबा ओरडले, लेकाने टोकाचे पाऊल उचलले
चिमुकली घराबाहेर खेळत असल्याचं व्हिडीओमध्ये दिसत आहे. तितक्यात तिच्यावर कुत्र्यानं हल्ला केला. कुत्र्याच्या हल्ल्यामुळे मुलगी खाली कोसळली. तिनं स्वत:ला वाचवण्यासाठी प्रयत्न केले. मात्र ते अपयशी ठरले. कुत्र्याची पकड घट्ट असल्यानं मुलीचे प्रयत्न निष्फळ ठरले. मुलीचा आक्रोश ऐकून आई घराबाहेर आली. तिनं मुलीला सोडवण्याचे प्रयत्न केले. आई लेकीला घेऊन जात असताना कुत्र्यानं दोघींवर मागून हल्ला केला. मात्र आईनं त्याला पळवून लावलं.
यूट्यूबवर २ महिने व्हिडीओ पाहिले; गुगलला प्रश्न विचारले; ‘अमिषा’ला बळी पडून पत्नीला संपवले
स्थानिक रुग्णालयात मुलीवर उपचार सुरू आहेत. मुलीच्या चेहऱ्याला अनेक टाके पडल्याचं डॉक्टरांनी सांगितलं. कुत्र्यानं मुलीच्या गालाचा चावा घेतला. त्यामुळे तिचं मास बाहेर आलं. घटनेचा व्हिडीओ सोशल मीडियावर व्हायरल झाला आहे.

Marathi News App: तुम्हालाही तुमच्या अवतीभवती होत असलेल्या बदलांमध्ये सहभागी व्हायचं आहे? सिटिझन रिपोर्टर अॅप डाउनलोड करा आणि रिपोर्ट्स पाठवा.

Get India news, latest marathi news headlines from all states of India. Stay updated with us to get latest India news in marathi.

LEAVE A REPLY

Please enter your comment!
Please enter your name here