woman kills dog, पाळीव कुत्रा चावला, संतप्त मालकिणीनं संपवलं; तलावात फेकायला गेली अन् भलताच प्रकार घडला – up woman kills her dog after being bitten drowns to death while disposing body in lake

रुबी असं मृत महिलेचं नाव आहे. रुबी तिचा पती आणि दोन मुलांसह लखनऊच्या पीजीआय पोलीस ठाण्याच्या हद्दीत येणाऱ्या डालोना गावात वास्तव्यास होती. तिनं घरात एक कुत्रा पाळला होता. ७ जानेवारीला रुबीला कुत्रा चावला. याआधी हाच कुत्रा रुबीच्या मुलालाही चावला होता. त्यामुळे संतप्त महिलेनं पाळीव कुत्र्याला संपवलं. कुत्र्याचा मृतदेह टाकण्यासाठी रुबी जवळच असलेल्या तलावाजवळ गेली होती. मृतदेह पाण्यात फेकताना तिचा तोल गेला आणि ती तलावात कोसळली.
वडिलांना न सांगता बोलेरो घेऊन गेला, डेंट पडला; बाबा ओरडले, लेकाने टोकाचे पाऊल उचलले
रुबी बराच वेळ घरी परतली नसल्यानं तिचा पती शोधासाठी घराबाहेर पडला. त्याला तलावात रुबीची चप्पल तरंगताना दिसली. त्यानं आसपासच्या लोकांकडे मदत मागितली. सगळ्यांनी महिलेचा शोध सुरू केला. काही वेळात तलावात महिलेचा मृतदेह सापडला. स्थानिकांनी मृतदेह बाहेर काढला. घटनेची माहिती पोलिसांना देण्यात आली. पोलिसांनी घटनास्थळी येऊन मृतदेह ताब्यात घेऊन शवविच्छेदनासाठी पाठवला.
मोपेडला कट का मारलीस? वाद टोकाला गेला; साखरपुड्याला जाणाऱ्या तरुणासोबत आक्रित घडलं
महिलेच्या पतीचा जबाब नोंदवून पोलिसांनी प्रकरणाची नोंद केली. पोलिसांनी प्रकरणाचा तपास सुरू केला आहे. शवविच्छेदन अहवाल आल्यानंतर पुढील कार्यवाही केली जाईल, अशी माहिती लखनऊ पूर्व झोनचे एडीसीपी सय्यद अली अब्बास यांनी दिली.