kidnapper arrested, अफेअर, अपहरण अन् अटक; प्रियकराकडून प्रेयसीच्या बहिणीचा मुलगा किडनॅप; यूट्यूबरला बेड्या – man kidnaps girlfriends sisters son police rescues child from silvassa accused arrested

अपहरणकर्त्या आरोपीचे एक लग्न झाले असून त्याचे एका मुलीसोबत चार वर्षांपासून प्रेम संबंध होते. मात्र लग्न करण्यासाठी प्रेयसी चालढकल करत असून यासाठी प्रेयसीची मोठी बहिण कारणीभूत असल्याचा अपहरणकर्त्याचा समज होता. याच रागातून आरोपीने प्रेयसीच्या बहिणीच्या ८ वर्षाच्या मुलाचे सोमवारी शाळेत जात असताना अपहरण केले. त्यानंतर कुटुंबीयांना फोन करून मुलाची सुटका करण्यासाठी रोख रक्कम आणि प्रेयसीला त्याच्या घरी पाठवण्याची मागणी केली. त्यानंतर या मुलाच्या कुटुंबीयांनी तलासरी पोलीसांना या घटनेची माहिती पोलिसांना दिली.
पाळीव कुत्रा चावला, संतप्त मालकिणीनं संपवलं; तलावात फेकायला गेली अन् भलताच प्रकार घडला
तलासरी पोलिसांनी दोन पथके नेमून या प्रकरणाचा तपास सुरू केला. फोन लोकेशन आणि मिळालेल्या माहितीच्या आधारे अपहरणकर्त्याला अटक करून त्याच्या मुसक्या आवळल्या. त्यानंतर अपहरण झालेल्या मुलाला आरोपीने दिलेल्या माहितीच्या आधारे केंद्रशासित प्रदेश सिल्व्हासा-खानवेल येथून ताब्यात घेतले व त्याला सुखरूप कुटुंबीयांच्या स्वाधीन केले. राजेश धोदडे असे अपहरणकर्त्या आरोपीचे नाव असून तो एक युट्युबर आणि आदिवासी गायक असल्याचे कळते. तलासरी पोलीस ठाण्यात याप्रकरणी गुन्हा दाखल करण्यात आला असून पोलीस अधिक तपास करत आहेत.