vendor attacked, आमच्याकडे पैसे का मागतो? बालुशाही खाल्ली, ५० रुपये दिले, वाद घातला अन् भयंकर प्रकार केला – two attacks samosa vendor after he demands money police starts probe

परभणीच्या सोनपेठ तालुक्यातील वरकडवडी येथील गंगाधर डुकरे हे सोनपेठ येथे समोस्याचा गाडा चालवतात. त्यांनी १० जानेवारी रोजी नेहमीप्रमाणे आपला गाडा सुरू केला असता दुपारी चार वाजण्याच्या सुमारास सिद्धेश्वर पानखडे आणि ऋषिकेश मोरे हे दोघेजण त्या ठिकाणी आले. त्यांनी गंगाधर डुकरे यांच्याकडे समोस्याची मागणी केली. मात्र प्रत्यक्षात बालुशाही खाल्ली आणि ५० रुपये दिले. त्यामुळे गंगाधर डुकरे ४० रुपये परत देत होते.
आम्ही बाईकवरून जात होतो, क्षणार्धात सगळं संपलं; पतीनं डोळ्यांदेखत पाहिला पत्नी, लेकाचा अंत
डुकरे ४० रुपये परत देत असताना ऋषिकेश मोरे आणि सिद्धेश्वर पानखडेंनी त्यांना शिवीगाळ सुरू केली. तू आमच्याकडे पैसे का मागतो? अशी विचारणा करत वाद घातला. ऋषिकेश मोरेने हातातील चाकू डुकरे यांच्या बरगाडीत मारून त्यांना जखमी केले. या ठिकाणी उपस्थित असलेल्या नागरिकांनी सदरचे भांडण सोडून गंगाधर डुकरे यांना उपचारासाठी सोनपेठ येथील शासकीय रुग्णालयामध्ये दाखल केले. या ठिकाणी प्राथमिक उपचार करून त्यांना पुढील उपचारासाठी अंबाजोगाई येथे हलवण्यात आले आहे. या प्रकरणी गंगाधर डुकरे यांच्या तक्रारीवरून आरोपी विरोधात सोनपेठ पोलिस ठाण्यामध्ये गुन्हा दाखल करण्यात आला आहे. घटनेचा अधिक तपास पोलीस करत आहेत.