बीड: गेल्या काही दिवसांमध्ये राज्यातील राजकीय व्यक्तींच्या अपघाताच्या घटना ताज्या असतानाच आता बीडमध्ये भाजप नेत्याच्या एका नातेवाईकाचा रस्ते अपघातामध्ये मृत्यू झाल्याची माहिती समोर आली आहे. भाजप नेते मोहन जगताप यांचे पुतणे विश्वजीत जीवन जगताप यांचा शुक्रवारी रात्री बाराच्या सुमारास गेवराई बायपास जवळ अपघात झाला होता. यामध्ये विश्वजीत जगताप यांना गंभीर दुखापत झाल्याने त्यांचा मृत्यू झाला. अपघातावेळी विश्वजीत यांचा मित्रही गाडीत होता. परंतु, केवळ सीटबेल्ट लावल्याने त्याला किरकोळ दुखापतीपलीकडे कोणतीही इजा झाली नाही.

माजलगाव येथील छत्रपती नागरिक सहकारी पतसंस्थेचे चेअरमन जीवनराव जगताप यांचे चिरंजीव विश्वजीत जगताप व त्यांचा मित्र आर्यन कंटुले हे काही कामानिमित्त औरंगाबाद येथे गेले होते. काम आटपून गावी माजलगावच्या दिशेने परत येत असताना गेवराई जवळ बायपास रोडवर रात्री बाराच्या दरम्यान त्यांच्या चार चाकी वाहनावरील विश्वजीत यांचा ताबा सुटला. त्यामुळे त्यांची कार टेम्पोवर जाऊन धडकली.या दुर्घटनेत विश्वजीत जगताप यांच्या डोक्याला जबर मार लागून त्यांचा जागीच मृत्यू झाला. तर त्यांच्यासह असलेल्या मित्र आर्यन कंटुले याने सीट बेल्ट लावलेला असल्याने त्याला सुदैवाने किरकोळ मार लागला. ही घटना शुक्रवारी रात्री बाराच्या दरम्यान घडली. विश्वजीत जगताप यांच्या पक्षात आई-वडील दोन बहिणी असा परिवार आहे मात्र या अपघातामुळे राजकीय क्षेत्रासह बीड जिल्ह्यात हळहळ व्यक्त केली जात आहे.
शिर्डीला जाऊया! पत्नीनं हट्ट धरला, पतीनं कधी नव्हे ती सुट्टी घेतली; प्रवास शेवटचा ठरला

महाराष्ट्रातील सहा नेत्यांचा अपघात

गेल्या काही दिवसांमध्ये बच्चू कडू, योगेश कदम, जयकुमार गोरे, धनंजय मुंडे या आमदारांचा काही दिवसांच्या अंतराने भीषण अपघात झाल्याच्या घटना घडल्या होत्या. यापैकी योगेश कदम यांना कशेडी घाटात झालेल्या अपघातामध्ये सुदैवाने फारशी दुखापत झाली नव्हती. पण धनंजय मुंडे आणि बच्चू कडू यांना बऱ्यापैकी दुखापत झाल्याने या दोघांनाही रुग्णालयात दाखल करावे लागले होते. तीन आमदारांच्या अपघाताआधीही भरत गोगावले, जयकुमार गोरे या आमदारांच्या कारचा अपघात झाला होता. यात अपघातात ते थोडक्यात बचावले होते. मागील वर्षी विनायक मेटे यांचं रस्ते अपघातात दुर्दैवी निधन झालं होतं. यापैकी अनेक घटना रात्रीच्या वेळी घडल्या आहेत.

पेटत्या कारमधून बाहेर काढले; चादरीत गुंडाळून रुग्णालयात पाठवले; पंतसाठी दोन देवदूत धावले

जयकुमार गोरेंच्या गाडीचा अपघात

काही दिवसांपूर्वीच भाजपचे आमदार जयकुमार गोरे यांच्या गाडीचा भीषण अपघात झाला होता. या अपघातामध्ये गोरे यांचा जीव थोडक्यात वाढला होता. साताऱ्यातील फलटण येथील मलठण येथे हा अपघात झाला होता. त्यांची गाडी नदीच्या पुलावरून ५० फूट खाली कोसळली होती. या अपघातामध्ये जयकुमार गोरे यांना गंभीर दुखापत झाली होती.

RELATED ARTICLESMORE FROM AUTHOR

47 COMMENTS

LEAVE A REPLY

Please enter your comment!
Please enter your name here