case against acp, वॉशरुमच्या बहाण्यानं बेडरुममध्ये पोहोचले, मित्राच्या बायकोशी लगट; एसीपींविरोधात गुन्हा – case registered against aurangabad acp for molesting women

औरंगाबाद शहर गुन्हे शाखेचे सहाय्य्क आयुक्त विशाल ढुमे शनिवारी रात्री चिखलठाणा परिसरातील एका हॉटेलमध्ये गेले होते. तिथे त्यांचा मित्र पत्नीसह आला होता. जेवण झाल्यावर मित्र पत्नीसह घरी जाण्यासाठी निघाला. ढुमे यांनी कार नेली नव्हती. त्यामुळे त्यांनी मित्राकडे त्याच्या कारने सोडण्याची विनंती केली. मित्र कार चालवत होता, तर मित्राची पत्नी समोरच्या सीटवर बसलेली होती. ढुमे पाठीमागे बसलेले होते.
भीषण! बाईकची कारला मागून जोरदार धडक; बाईकस्वार हवेत उडाला; विंडशील्ड फोडून आत घुसला
चालत्या कारमध्ये मित्राच्या पत्नीच्या अंगाला स्पर्श करत ढुमे यांनी लगट केली. जेव्हा नारळीबाग येथील मित्राच्या घरी आले, तेव्हा वॉशरूम वापरण्याचे कारण सांगत ढुमे बेडरूममध्ये पोहोचले. तिथेही त्यांनी महिलेसोबत लगट केली. यानंतर महिलेच्या पतीसोबत वाद घालून हाणामारी केली.या प्रकरणी सिटी चौक पोलीस ठाण्यात गुन्हा दाखल करण्यात आला आहे.
खेळ कुणाला दैवाचा कळला! जुळे भाऊ एकमेकांपासून ९०० किमी दूर; सारख्याच प्रकारे दोघांचा शेवट
मध्यरात्री धिंगाणा केल्याचा रहिवाशांचा आरोप
एसीपी ढुमे यांनी रात्री परिसरात सुमारे तास ते दीड तास गोंधळ घातला. बरीच विनंती करूनही त्यांनी ऐकले नाही. ते ऐकून घेण्याच्या मनस्थितीत नव्हते, अशी माहिती प्रत्यक्षदर्शी कुणाल खरात यांनी दिली. शेवटी ११२ क्रमांकावर कॉल करून पोलीसांना पाचारण करण्यात आले. पोलिसांनी घटनस्थळी धाव घेतली आणि ढुमे यांना सोबत नेले. ढुमे यांच्यावर गुन्हा दाखल झाला आहे. त्यांना बडतर्फ करण्यात यावे अशी रहिवाशांची मागणी असल्याचे खरात यांनी सांगितले.