attack on police, पोलिसाने चायनीज सेंटर बंद केल्याचा राग; पुण्यात भुकेल्या २४ वर्षीय तरुणाने केलं भयंकर कृत्य – a 24 year old customer attacked the police with a knife as he closed the chinese center at midnight in lohgaon

पुणे : मध्यरात्रीपर्यंत सुरू असणाऱ्या चायनीज खाद्यपदार्थांची गाडी पोलिसांनी बंद केल्याने जेवण न मिळाल्याने एका ग्राहकाने पोलिस कर्मचाऱ्यावर चाकू हल्ला केला. हल्ल्यात कर्मचारी गंभीर जखमी झाला आहे. लोहगाव परिसरात पहाटे अडीच वाजता ही घटना घडली. पोलिस नाईक सचिन उत्तम जगदाळे (वय ३८) असे गंभीर जखमी झालेल्या कर्मचाऱ्याचे नाव आहे.

या प्रकरणी महानंदेश्वर उर्फ मल्या महादेव बताले (वय २४, रा. नळदुर्ग, जि. उस्मानाबाद) याला अटक करण्यात आली असून, त्याच्यावर खुनाचा प्रयत्न आणि शासकीय कामात अडथळा आणल्याप्रकरणी गुन्हा दाखल करण्यात आला आहे. पोलिस कर्मचारी जगदाळे रात्रगस्तीवर असताना लोहगाव परिसरात धानोरी नाका येथील समायरा चायनीज सेंटर मध्यरात्री अडीच वाजता सुरू असल्याचे आढळले.

शिक्षिकेच्या निष्काळजीने लहानगीने बोटे गमावली; सीसीटीव्ही फूटेजमुळे प्रकार उघडकीस

जगदाळे आणि सहकाऱ्यांनी चायनीज सेंटर बंद केले. त्या वेळी आरोपी महानंदेश्वर तेथे जेवण करण्यासाठी आला होता. सेंटर बंद केल्याने त्याला जेवण मिळाले नाही. त्यामुळे महानंदेश्वर याने चिडून चायनीज सेंटरमधील चाकू घेऊन जगदाळे यांच्या गालावर वार केला. त्यात त्यांना गंभीर दुखापत ‌झाली. त्यांना तातडीने रुग्णालयात दाखल करण्यात आले. महानंदेश्वर याला ताब्यात घेऊन अटक करण्यात आली आहे.